Last updated on June 26th, 2025 at 08:52 am
ಸುಳ್ಯ, ಜೂನ್ 26: ರಡ್ಡ್ ಕೆಎಸ್ಆರ್ಟಿಸಿ ಬಸ್ಲೆ ನಡುಟು ನಡತಿನ ಎಡ್ತೆಡ್ ಪೊಂಜೊವು ಒರ್ತಿ ತೀರ್ದಿನ ನಡಕೆ ಸುಳ್ಯ ಪೊಲೀಸ್ ಸ್ಟೇಶನ್ ಸೀಮೆದ ಸುಳ್ಯ ಆರಂತೋಡು ಗ್ರಾಮೊದ ಕೋಡಂಕೇರಿ ಪನ್ಪಿನಲ್ಪ ನಡತ್ದ್ಂಡ್.
ತೀರ್ದಿನಾರೆನ್ ಕುಶಾಲನಗರ ಮೂಲೊದ ಭಾರತಿ (50) ಪನ್ದ್ ಗುರ್ತ ಪತ್ತ್ದೆರ್. ಎಡ್ತೆಡ್ ಇರ್ವೆರ್ ಪ್ರಯಾಣಿಕೆರೆಗ್ ಗಾತಿದ ಗಡಿಕುಲಾದಿತ್ತ್ದ್, 17 ಜನಕ್ ಕಿಞ್ಞ ಕಿಞ್ಞ ಗಡಿಕುಲಾತ. ಗಡಿಕುಲಾತಿನಕಲೆನ್ ಬೇತೆ ಬೇತೆ ಆಸ್ಪತ್ರೆಲೆಗ್ ದಾಕಲ್ತ್ದೆರ್.
ಸುಳ್ಯರ್ದ್ ಮಡಿಕೇರಿ ದಂಚಿ ಪೋವೊಂದಿತ್ತಿನ ಕೆಎಸ್ಆರ್ಟಿಸಿ ಬಸ್ ಬೊಕ್ಕ ಮಡಿಕೇರಿರ್ದ್ ಸುಳ್ಯ ಮಾರ್ಗ ಆದ್ ಬರೊಂದಿತ್ತಿನ ಕೆಎಸ್ಆರ್ಟಿಸಿ ಬಸ್ದ ನಡುಟು ಈ ಎಡ್ತೆ ನಡತ್ದ್ಂಡ್. ಜಾಗೆಗ್ ಸ್ಥಳಕ್ಕೆ ವೃತ್ತ ನಿರೀಕ್ಷಕೆರ್ ಬೊಕ್ಕ ಉಪನಿರೀಕ್ಷಕೆರ್ ಬತ್ತ್ದ್ ಪರಿಶೀಲನೆ ಮಲ್ದೆರ್. ಸುಳ್ಯ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲ್ತೊಂದು ನನದ ಕಾನೂನು ಕ್ರಮ ಗೆತೊನುವೆರ್.
ಚೈತ್ರಾ (22), ಮಾಯಿಲ್ಪ್ (43), ಶ್ರಾವ್ಯ ಶ್ರೀ (24), ಕುಮುದಿನಿ (24), ಯಮುನಾ (55), ವೇದಿಕಾ (10), ಯಕ್ಷಿತಾ (22), ಸಮದ್ (38), ಮುತ್ತಮ್ಮ (37), ಚಂದ್ರಾವತಿ (43), ತಿರುಮಲೇಶ್ವರ (49), ಸೋನಿ ಎಚ್ಪಿ (21), ಚಿದಾನಂದ (20 ಸುಬ್ರಮಣ್), (25 ಸುಬ್ರಮಣ್), (5 ವಿಟಬಾರವ), (42), ಕಾವೇರಮ್ಮ (35), ಅಭಿಲಾಷ್ (21), ಜಯಂತ್ (17), ಬೊಕ್ಕ ಕರಣ್ (37) ಗಡಿಕುಲಾತಿನಕುಲು.