Last updated on June 12th, 2025 at 11:08 am
ಪುತ್ತೂರು ಜೂನ್ 12: ಜುಗಾರಿ ಗೊಬ್ಬೊಂದುಪ್ಪುನ ಜಾಗೆಗ್ ದಾಳಿ ಮಲ್ತಿನ ಪೊರ್ತುಡು ಆರೋಪಿಲು ಪದ್ರಾಡಾದಿತ್ತ್ದ್, ಅಲ್ಪ ತಿಕ್ಕಿನ ಬೈಕ್ಗ್ ಸಂಬಂಧಿತಿನ ಒವು ಒಟ್ಟು ಮಲ್ತ್ದ್ ಜುಗಾರಿ ಆರೋಪಿಡ ಕಾಸ್ ಕೇನ್ದಿನ ಆರೋಪಡ್ ವಿಟ್ಲ ಸ್ಟೇಷನ್ ಪಿಎಸ್ಐ ಬಿ.ಸಿ ಕೌಶಿಕ್ನ್ ಸಸ್ಪೆಂಡ್ ಮಲ್ತ್ದ್ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಅರುಣ್ ಕೆ ಆದೇಶ ಕೊರ್ತೆರ್.
ಮೇ ತಿಂಗೊಲ್ದ 8 ದಾನಿ ವಿಟ್ಲ ಪೇಂಟೆದ ಕೈತಲ್ ಪಳಿಕೆ ಪನ್ಪಿಲ್ಪ ನಾಲ್ವೆರ್ ಜವನೆರ್ ಜುಗಾರಿ ಗೊಬ್ಬೊಂದುಪ್ಪುನ ಒಲವು ಗೆತೊಂದು ವಿಟ್ಲ ಸ್ಟೇಷನ್ ಪಿಎಸ್ಐ ಬಿ.ಸಿ.ಕೌಶಿಕ್ ಬೊಕ್ಕ ಸಿಬ್ಬಂದಿಲು ದಾಳಿ ಮಲ್ತಿತ್ತೆರ್. ಆ ಪೊರ್ತುಡು, ಅಲ್ಪ ಇತ್ತಿನಕುಲು, ಒಂಜಿ ಬೈಕ್ ಬುಡ್ದು ಪದ್ರಾಡಾತೆರ್. ಆರೋಪಿಲು ಏರ್ಂದ್ ತೆರಿದ್ ಒರಿಯಗ್ ಕಾಲ್ ಮಲ್ತ್ದ್ ಪಿಎಸೈ ಕೌಶಿಕ್ ಕಾಸ್ ಮೂಜಾನೆದಾಯನ ಮುಕೇನ ಕಾಸ್ ಕೇನ್ದೆ. ಈ ಸಂಭಾಷಣೆದ ಆಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್. ಇತ್ತೆ ಕಾಸ್ ಕೇನ್ದಿನ ವಿಟ್ಲ ಸ್ಟೇಷನ್ ಪಿಎಸ್ಐ ಕೌಶಿಕ್ನ್ ಸಸ್ಪೆಂಡ್ ಮಲ್ದೆರ್.