Last updated on June 10th, 2025 at 10:49 am
ಕುಂದಾಪುರ, ಜೂ. 10: ಪೊಂಜೊವು ಒರ್ತಿ ಡೆತ್ ನೋಟ್ ಬರೆದ್ ದೀದ್, ಕೋಡಿ ಸಂಕೊದ ಮಿತ್ತ್ ತನ್ನ ಸ್ಕೂಟಿನ್ ದೀದ್ ಸುದೆಕ್ ಲಾಗಿದ್ ನಾಪತ್ತೆ ಆತಿನ ನಡಕೆ ಸೋಮಾರ ನಡತ್‌ದ್ಂಡ್.
ನಾಪತ್ತೆ ಆತಿನ ಪೊಂಜೊವುನು ವಡೇರ ಹೋಬಳಿ ಗ್ರಾಮೊದ ವಿಠಲವಾಡಿ, ಜೆಎಲ್‌ಬಿ ಸಾದಿದ ನಿವಾಸಿ ಹೀನಾ ಕೌಸರ್ (32) ಪನ್ದ್ ಗುರ್ತ ಪತ್ತ್‌ದೆರ್. ಮೆರೆನ ಕಂಡನೆ ಇಕ್ಬಾಲ್ (36) ಪಿದಯಿ ದೇಶೊಡು ಬೇಲೆ ಮಲ್ತ್ಂದಿತ್ತ್‌ದ್, ದಂಪತಿಲೆಗ್ ರಡ್ಡ್ ಜೋಕುಲು ಉಲ್ಲೆರ್. ಹೀನಾ ಆಪ್ಪೆನೊಟ್ಟುಗು ವಿಠಲವಾಡಿದ ಇಲ್ಲಡ್ ಇತ್ತೆರ್
ವರದಿಲೆನ ಪ್ರಕಾರ, ಸೋಮವಾರ ಕಾಂಡೆ 5 ಗಂಟೆಗ್ ಇಲ್ಲರ್ದ್ ಪಿದಡ್ದಿತ್ತೆರ್. ಬೊಕ್ಕ ಆರೆನ ಸ್ಕೂಟಿ ಬೊಕ್ಕ ಜೋಡು ಕೋಡಿ ಸಂಕೊಡು ತಿಕ್ಕ್‌ದ್ಂಡ್. ಹೀನಾ ಮೇರ್ ಸುದೆಕ್ ಲಾಗಿದುಪ್ಪೊಡು ಪನ್ದ್ ಪನೊಂದುಲ್ಲೆರ್. ಒಟ್ಟುಗು ಸ್ಕೂಟಿಡ್ ಡೆತ್‌ನೋಟ್‌ಲಾ ತಿಕ್ಕ್‌ದ್ಂಡ್ ಪನ್ದ್ ವರದಿ ಆತ್ಂಡ್.
ಕುಂದಾಪುರ ಪೊಲೀಸೆರೆ ಮುತಾಲಿಕೆಡ್ ಅಗ್ನಿ ಶಾಮಕ ದಳೊದ ಸಿಬ್ಬಂದಿಲು ಪಗೆಲ್ ಇಡೀ ಸುಡೆಟ್ ಓಡಡ್ ನಾಡ್ದೆರ್. ಆಂಡ ಇದಮುಟ್ಟ ಪೊಂಜೊವುನ ಒವ್ವೇ ಒಲವು ತಿಕ್ಕ್‌ದಿಜಿ.
ಹೀನಾನಾ ಅಪ್ಪೆ ಸಾದಿಕಾ ಬಾನು ಕೊರ್ತಿನ ಒಯಿಲ್‌ದ ಪ್ರಕಾರ ಕುಂದಾಪುರ ಸ್ಟೇಶನ್‌ಡ್ ನಾಪತ್ತೆ ಪ್ರಕರಣ ದಾಕಲಾತ್ಂಡ್.