Last updated on June 9th, 2025 at 07:08 pm
ಕಾರ್ಲ, ಜೂನ್ 09: ತನ್ನ ಪುಟ್ಟಿನ ದಿನೊಕು ಬಾಲೆಗ್ ಐಸ್ ಕ್ರೀಂ ಕನಯೆರೆ ಪೋದಿತ್ತಿನ ಅಮ್ಮೆ ಎಡ್ತೆಡ್ ತೀರ್ದಿನ ನಡಕೆ ಕಾರ್ಲ ತಾಲೂಕ್ ಕುಕ್ಕುಂದೂರು ಗ್ರಾಮೊದ ಪರಪುಡ್ ಜೂನ್ 7ತಾನಿ ನಡತ್ದ್ಂಡ್.
ಕುಕ್ಕುಂದೂರು ಗ್ರಾಮೊದ ಪರಪು ನಿವಾಸಿ, ರಿಕ್ಷಾ ಡ್ರೈವರ್, ಕುಕ್ಕುಂದೂರು ಬಿಜೆಪಿ ಗ್ರಾಮ ಸಮಿತಿ ಅಧ್ಯಕ್ಷ ಸುಬ್ರಹ್ಮಣ್ಯ ಸಾಲ್ಯಾನ್ (36) ತೀರ್ದಿನಾರ್. ಪುಟ್ಟಿನ ದಿನೊತ ಲೆಕ್ಕೊಡು ಸುಬ್ರಹ್ಮಣ್ಯೆರ್ ಸನಿಯಾರ ರಾತ್ರೆ ಬಾಲೆಗ್ ಐಸ್ ಕ್ರೀಂ ಕನಯೆರೆ ಇಲ್ಲರ್ದ್ ಸ್ಕೂಟಿಡ್ ಪೇಂಟೆಗ್ ಬತ್ತಿತ್ತೆರ್. ಅವೆರ್ದ್ ಬೊಕ್ಕ ಆರ್ 10.30ತ ಅಂದಾಜಿಗ್ ಇಲ್ಲಗ್ ಪಿರ ಬರ್ಂದುಪ್ಪುನಗ ಪರಪು ಸಂಕದಲ್ಪ ಅಂಕೆ ತತ್ತ್ದ್ ಸ್ಕೂಟರ್ದ ಒಟ್ಟುಗು ತಾರ್ಗ್ ಬೂರ್ದೆರ್.
ರಾತ್ರೆ ಇಡೀ ಸುಬ್ರಹ್ಮಣ್ಯೆರೆನ್ ನಾಡ್ಂಡಲಾ ಆರ್ ತಿಕ್ಕ್ದಿಜೆರ್. ಊರುದಕುಲು ನಾಡ್ನಗ ಸಂಕದಡಿಟ್ ಸ್ಕೂಟರ್ದೊಟ್ಟುಗು ಪುನ ಆದ್ ತಿಕ್ಕ್ದೆರ್. ಸುಬ್ರಹ್ಮಣ್ಯೆರ್ ಅಮ್ಮೆರ್, ಅಪ್ಪೆ, ಸಂಗಡಿ, ಬೊಡೆದಿ, ಮಗಲೆನ್ ಅಗತ್ದೆರ್. ಈ ಬಗೆಟ್ ಕಾರ್ಲ ನಗರ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.