Last updated on July 3rd, 2025 at 05:24 pm
ಕುಡ್ಲ, ಜು. 03: ಕರಿನ ಒಂತೆ ವರ್ಸೊರ್ದಿಂಚಿ ಒರ್ಮೆಲಾ ಹಾರ್ಟ್ ಅಟ್ಯಾಕ್ ಎಚ್ಚ ಆವೊಂದುಂಡು, ಐಟ್ಲಾ ಜಕ್ಕ್ಡ್ ಜವನೆರೇ ಎಚ್ಚ ಹಾರ್ಟ್ ಅಟ್ಯಾಕ್ಗ್ ಬಲಿ ಆವೊಂದುಲ್ಲೆರ್. ಹಾಸನ-ಮೈಸೂರ್ಡ್ ಆತ್ ಜನ ಹಾರ್ಟ್ ಅಟ್ಯಾಕ್ಡ್ ಸೈತೆರ್, ಇತ್ ಜನ ಸೈತೆರ್ ಪನ್ದ್ ಪನೊಂದುಪ್ಪುನಗ ತುಳುನಾಡ ಒಂಜಿ ಜಿಲ್ಲೆಡ್ಲಾ ಪಾಕ ಹಾರ್ಟ್ ಅಟ್ಯಾಕ್ ಆತಿನೆತ ರಿಪೋರ್ಟ್ ಬರೊಂದುಂಡು.
ಜಿಲ್ಲಾ ಆರೋಗ್ಯ ಅಧಿಕಾರಿ ಡಾ. ಎಚ್ ಆರ್ ತಿಮ್ಮಯ್ಯೆರ್ ಕೊರ್ತಿನ ವರದಿದ ಪ್ರಕಾರ, ಕರಿನ 6 ತಿಂಗೊಲುಡು ಮಂಗಳೂರು ಜಿಲ್ಲೆಡ್ 85 ಜನ ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್. ಜನವರಿ 2025 ರ್ದ್ ಜೂನ್ 2025 ಮುಟ್ಟ 380 ಹಾರ್ಟ್ ಅಟ್ಯಾಕ್ ಕೇಸ್ಲು ರಿಪೋರ್ಟ್ ಆತ, ಉಂದೆಟ್ 85 ಜನ ತೀರ್ದೆರ್. ತೀರ್ದಿನೆಟ್ 54 ಆಂಜೊವುನಕುಲು ಬೊಕ್ಕ 31 ಪೊಂಜೊವುನಕುಲು ಉಲ್ಲೆರ್.
ಪ್ರಾಯೊದ ಪ್ರಕಾರ ತೀರ್ದಿನಕಲೆನ ಪಟ್ಟಿ
– 20 ರ್ದ್ 30 ವರ್ಸ: 1 ಸಾವು
– 31 ರ್ದ್ 40 ಮುಟ್ಟ: 3 ಜನ
– 41 ರ್ದ್ 50 ಮುಟ್ಟ: 18 ಜನ
– 51 ರ್ದ್ 60 ಮುಟ್ಟ: 18 ಜನ
– 61 ರ್ದ್ ಮಿತ್ತ್: 45 ಜನ ತಿರ್ದೆರ್
ಡಾ. ತಿಮ್ಮಯ್ಯೆರ್ ಏರ್ಲಾ ಪೋಡ್ಯುನ ಅಗತ್ಯ ಇಜ್ಜಿ, ಜೀವನಶೈಲಿಡ್ ಎಡ್ಡೆ ಪಗತೆಲೆನ್ ಕನತ್ದ್, ತಿನ್ಪುನ ಪರ್ಪುನೆಟ್ ಶಿಸ್ತು ಇತ್ತ್ದ್, ವ್ಯಾಯಾಮ ಮಾತ ಮಲ್ತೊಂದು ಇತ್ತರ್ನ್ಡ ಹಾರ್ಟ್ ಅಟ್ಯಾಕ್ದ ರಿಸ್ಕ್ ಕಮ್ಮಿ ಆಪುಂಡು ಪನ್ದ್ ಪನ್ಡೆರ್.