Last updated on July 10th, 2025 at 10:28 am
ಕುಡ್ಲ, ಜು. 10: ಜಪಾನ್ದ ಹಿಮೇಜಿಡ್ ನಡತೊಂದುಪ್ಪುನ ಏಷಿಯಾ-ಆಫ್ರಿಕಾ-ಪೆಸಿಫಿಕ್ ಪವರ್ ಲಿಫ್ಟಿಂಗ್ & ಬೆಂಚ್ ಪ್ರೆಸ್ ಚಾಂಪಿಯನ್ಶಿಪ್ 2025 ಡ್ ಜುಲೈ 8 ದಾನಿ ಪವರ್ ಲಿಫ್ಟಿಂಗ್ ಪಂತೊಡು ಕುಡ್ಲದ ಅತ್ತಾವರದ ಆದರ್ಶ್ ಬಿ ವಿಶ್ವ ದಾಖಲೆ ಬರೆತೆರ್.
ಈಕ್ವಿಪ್ಡ್ 59 kg ವಿಭಾಗೊಡು ಪಾಲ್ಪಡೆಯಿನ ಆದರ್ಶ್ 276kg ದಿನ್ನ ದೇರ್ತ್ದ್ ವಿಶ್ವ ದಾಖಲೆ ಬರೆದ್, ತುಳುನಾಡ್ಗ್ ಅಂಚೆನೇ ಭಾರತೊಗು ಪೆರ್ಮೆ ಕನತ್ದೆರ್.
ಈ ವಿಭಾಗೊಡು ವಿಶ್ವ ದಾಖಲೆ ಮಲ್ದಿನ ರಡ್ಡನೇ ಭಾರತೀಯೆ ಅಂಚೆನೇ ಕಡೀರ ತುಳುವೆ ಆದರ್ಶ್ ಬಿ ಅತ್ತಾವರ್. ಉಂದೆಕ್ ದುಂಬು ರೈಲ್ವೇದ ಸಂಜೀವನ್ ಭಾಸ್ಕರನ್ ಪನ್ಪಿನಾರ್ 1993ಡ್ ದಾಖಲೆ ಮಲ್ತಿತ್ತೆರ್.
ರೈಲ್ವೇಡ್ ಬೇಲೆ ಮಲ್ತೊಂದುಪ್ಪುನ ಆದರ್ಶ್ ಕುಡ್ಲದ ಬಾಲಾಂಜನೇಯ ವ್ಯಾಯಾಮ ಶಾಲೆದ ಪದುಕೆಲಾ ಆದುಲ್ಲೆರ್.