Last updated on July 19th, 2025 at 10:32 am
ಉಳ್ಳಾಲ, ಜು. 18: ತಾರ್ ಕಡಪುನ ಪೊರ್ತುಡು ಸಂಕೊರ್ದು ನೀರ್ಗ್ ಬೂರ್ದ್ ನಾಪತ್ತೆ ಆದಿತ್ತಿನ ಕೂಲಿಕಾರ್ಮಿಕೆ ಒರಿಯನ ಪುನ ಕೋಡೆ, ಶುಕ್ರವಾರ ಸೋಮೇಶ್ವರ ಉಚ್ಚಿಲದ ಸುದೆಟ್ ತಿಕ್ಕ್ದ್ಂಡ್.
ತೀರ್ದಿನಾರೆನ್ ಸೋಮೇಶ್ವರ ಗ್ರಾಮೊದ ಕುಂಪಲ ಆಶ್ರಯ ಕಾಲೊನಿದ ಕೇಶವ ಶೆಟ್ಟಿ (64) ಪನ್ದ್ ಗುರ್ತ ಪತ್ತ್ದೆರ್.
ಬುಧವಾರ ಬಯ್ಯಡ್ 7 ಗಂಟೆದ ಅಂದಾಜಿಗ್ ಜೋರು ಬರ್ಸ ಬರೊಂದಿತ್ತ್ಂಡ್. ಆ ಬರ್ಸೊಡು ಕೇಶವೆರ್ ತನ್ನ ಇಲ್ಲದಂಚಿ ಪೋವೊಂದಿತ್ತೆರ್. ಈ ಪೊರ್ತುಡು ದಿಂಜಿದ್ ಪರತೊಂದಿತ್ತಿನ ಪಿಲಾರ್ದ ತಾರ್ದ ಸಂಕ ಕಡತೊಂದುಪ್ಪುನಗ ನೀರ್ಗ್ ಬೂರ್ದೆರ್. ಇಲ್ಲದಕುಲು, ನಿರೆಕರೆತಕುಲು ಮಾತಾ ಸೇರ್ದ್ ತಾರ್ದ ಉದ್ದೋಗು ಏತ್ ನಾಡ್ಂಡಲಾ ಕೇಶವೆರ್ ತಿಕ್ಕ್ದಿಜ್ಜಂಡ್. ಕೇಶವೆರೆನ ಕೊಡೆ ತಾರ್ದ ಕೈತಲ್ ತಿಕ್ಕ್ದಿತ್ತ್ಂಡ್. ಇಲ್ಲದಕುಲು ಗುರುವಾರ ಉಳ್ಳಾಲ ಸ್ಟೇಶನ್ಡ್ ಕೇಶವೆರ್ ನಾಪತ್ತೆ ಆತಿನ ಬಗೆಟ್ ಪ್ರಕರಣ ದಾಕಲ್ತ್ದೆರ್. ಶುಕ್ರವಾರ ಮಧ್ಯಾಹ್ನ ಪುನ ತಿಕ್ಕ್ದ್ಂಡ್ ಪನ್ದ್ ಪೋಲೀಸೆರ್ ತೆರಿಪಾದೆರ್.