Last updated on July 8th, 2025 at 07:05 am
ಪುತ್ತೂರು, ಜು 08: ಬಸ್ ಬುಡೊಂದುಪ್ಪುನಗನೇ ಡ್ರೈವರ್ನ ಶುಗರ್ ಡೌನ್ ಆದ್ ಕುಸ್ಕುದ್ ಬೂರ್ದಿತ್ತ್ದ್, ಅಪಗನೇ ಡ್ರೈವರ್ ಬಸ್ಸ್ನ್ ಉಂತಾವುನ ಮುಕೇನ ಪ್ರಯಾಣಿಕೆರೆ ಜೂವ ಕಾತಿನ ನಡಕೆ ಕುಂಬ್ರಡ್ ಕೋಡೆ ಮದ್ಯಾನ ನಡತ್ದ್ಂಡ್.
ಪುತ್ತೂರ್ರ್ದ್ ಸುಳ್ಯಗ್ ಪೋವೊಂದಿತ್ತಿನ ಕೆಎಸ್ಆರ್ಟಿಸಿ ಬಸ್ನ್ ದಯಾನಂದೆ ಪನ್ಪಿನಾರ್ ಬುಡೋಂದಿತ್ತೆರ್. ಕುಂಬ್ರಗ್ ಎತ್ತಿಲೆಕನೆ ದಯಾನಂದೆರೆನ ಶರೀರೊದ ಶುಗರ್ಡ್ ಎಚ್ಚಿಕಮ್ಮಿ ಆದಿತ್ತ್ದ್, ಅಪಗನೇ ಆರ್ ಕುಂಬ್ರ ಜಂಕ್ಷನ್ಡ್ ಬಸ್ ಉಂತಾವೊಂದಿತ್ತಿಲೆಕನೆ ಸ್ಟೇರಿಂಗ್ದ ಮಿತ್ತ್ ಕುಸ್ಕ್ದ್ ಬೂರ್ದೆರ್. ಅಪಗನೇ ಮುಟ್ಟದಕುಲು ಆರೆನ್ ಮುಟ್ಟದ ಕ್ಲಿನಿಕ್ಗ್ ಲೆತೊಂದು ಪೋತೆರ್. ದಯಾನಂದೆರೆನ್ ಪರೀಕ್ಷೆ ಮಲ್ತಿನ ಡಾಕ್ಟರ್ ಆರೆನ ಶುಗರ್ ಕಮ್ಮಿ ಆತ್ಂಡ್ ಐಕ್ ಮರ್ದ್ ಕೊರ್ಯ ಪನ್ದ್ ತೆರಿಪಾದೆರ್. ಬೊಕ್ಕ ಸಾವ್ಕಾಸ ಮಲ್ತೊಂದು ದಯಾನಂದೆರೆನ್ ಆರೆನ ಇಲ್ಲಗ್ ಕಡಪುಡ್ದ್ ಕೊರ್ಯೆರ್. ಬಸ್ಸ್ಡ್ ಇತ್ತಿನಕ್ಲೆನ್ ಪಗತೆ ಬಸ್ಸ್ಡ್ ಕಡಪುಡ್ದೆರ್ ಪನ್ದ್ ತೆರಿದ್ ಬೈದ್ಂಡ್.