Last updated on July 17th, 2025 at 12:39 pm
ಬೊಲ್ತೇರ್, ಜು 17: ಕಂಡನ್ಯೆನೇ ಬೊಡೆದಿನ್ ಬೀಸತ್ತಿ ಪಾಡ್ದ್ ಕೆರ್ತಿನ ನಡಕೆ ಬೊಲ್ತೇರ್ ತಾಲೂಕ್ದ ತೆಕ್ಕಾರ್ ಗ್ರಾಮ ಪಂಚಾಯತ್ ಸೀಮೆದ ಬಾಜಾರ್ ಪನ್ಪಿನಲ್ಪ ಇನಿ ಕಾಂಡೆ ನಡತ್ದ್ಂಡ್.
ಸೈದಿನಾರೆನ್ ಝೀನತ್ (40) ಪನ್ದ್ ಗುರ್ತ ಪತ್ತ್ದೆರ್. ಕೆರ್ತಿನ ಕಂಡನ್ಯನ್ ರಫೀಕ್ (47) ಪನ್ದ್ ಗುರ್ತ ಪತ್ತ್ದೆರ್. ಇನಿ, ಗುರುವಾರ ಕಾಂಡೆ ದಂಪತಿಲೆನ ನಡುಟು ಲಡಯಿ ಆತ್ಂಡ್ಗೆ, ಈ ಪೊರ್ತುಡು ರಫೀಕ್ ಬೊಡೆದಿ ಝೀನತ್ ಗ್ ಬೀಸತ್ತಿ ಪಾಡ್ದ್ ಕೆರ್ತೆ ಪನ್ದ್ ತೆರಿದ್ ಬೈದ್ಂಡ್.
ಪಿದಯೂರುಡು ಬೇಲೆಡಿತ್ತಿನ ರಫೀಕ್ ರಡ್ಡ್ ವರ್ಸೊಗು ದುಂಬು ಪಿದಯಿ ದೇಶೊದ ಬೇಲೆನ್ ಬುಡ್ದು ಬತ್ತ್ದ್ ತೆಕ್ಕಾರ್ಡ್ ಕೂಲಿ ಬೇಲೆ ಮಲ್ತೊಂದಿತ್ತೆಗೆ. ಉಬಾರ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.