Last updated on July 31st, 2025 at 09:51 am
ಬೆಂಗಳೂರು, ಜು. 31: 38 ತಿಂಗೊಲ್ದ ಬಾಕಿ, ಪೊಸ ಸಂಬಳ ಪರಿಷ್ಕರಣೆ, 2021 ತ ಸ್ಟ್ರೈಕ್ದಪಗ ವಜಾ ಮಲ್ದಿನಕ್ಲೆನ್ ಕುಡ ಬೇಲೆಗ್ ಗೋಡ್ಯಾವೊನೊಡು ಪನ್ದ್ ಆಗ್ರಹ ಮಲ್ತ್ದ್ ಸಾರಿಗೆ ನೌಕರೆರೆನ ಜಂಟಿ ಕ್ರಿಯಾ ಸಮಿತಿ ಮುಷ್ಕರೊಗು ಲೆಪ್ಪು ಕೊರ್ತುಂಡು. ಆಗಸ್ಟ್ 5 ರ್ದ್ ನಾಲ್ ಸಾರಿಗೆ ನಿಗಮೊಲೆನ ನೌಕರೆರ್ ಅನಿರ್ದಿಷ್ಟಾವಧಿ ಮುಷ್ಕರ ಮಲ್ಪೆರೆ ನಿರ್ಧಾರ ಮಲ್ತಿತ್ತ್ದ್, ಸಿಎಂ ಬೊಕ್ಕ ನಾಲ್ ನಿಗಮೊಲೆನ ಎಂಡಿಲೆಗ್ ನೊಟೀಸ್ ಕೊರ್ದು ಆತ್ಂಡ್.
ಸಾರಿಗೆ ನೌಕರೆರೆ ರಡ್ಡ್ ಮಲ್ಲ ಕಾಯೆಸ್ಲ್, ಬಾಕಿ ಇತ್ತಿನ ಸಂಬಲ ಕೊರ್ಪುನ ಬೊಕ್ಕ ಪೊಸ ಸಂಬಲೊಡು ಪರಿಷ್ಕರಣೆ ಮಲ್ಪುನವು. ಈ ರಡ್ಡೆಕ್ ಬೇಗೊಡೆ ಪಿರಿಕಟ್ಟ್ ಮಲ್ಪೆರೆ ನೌಕರೆರ್ ಕೇನ್ದೆರ್. ಮಲ್ತಿಜಿಂಡ ಬಸ್ ಸಂಚಾರ ಉಂತಾದ್ ಸ್ಟ್ರೈಕ್ ಮಲ್ಪುವ ಪನ್ದ್ ಎಚ್ಚರ್ಗೆ ಕೊರ್ತೆರ್
ಎಂಕುಲು ಎಸ್ಮಾ, ವಜಾ ಮಲ್ಪುನೆಕ್ ಮಾತ್ ಪೋಡ್ಯುಜ ಪನ್ದ್ ಫ್ರೀಡಂ ಪಾರ್ಕ್ಡ್ ಸಾಮೂಹಿಕ ಉಪವಾಸ ಸತ್ಯಾಗ್ರಹ ಮಲ್ಪುನ ಮುಕೇನ ಸರ್ಕಾರೊಗು ಸಾರಿಗೆ ನೌಕರೆರ್ ಎಚ್ಚರ್ಗೆ ಕೊರ್ತೆರ್.
ರಾಜ್ಯೊದ ಪೊಂಜೊವುಲೆಗ್ ಶಕ್ತಿ ಯೋಜನೆದ ಮುಕೇನ ಶಕ್ತಿ ಕೊರ್ನ ಸರ್ಕಾರ, ಸಾರಿಗೆ ನೌಕರೆರೆ ಕಾಯೆಸ್ಗ್ ಕೆಬಿ ಕೊರ್ದು ಈಡೆತ್ತಾವುಂಡಾ ಅತ್ತ್ ದುಂಬುದ ಲೆಕನೆ ನೆಯಿ ಪೂಜಿದ್ ಸ್ಟ್ರೈಕ್ ಗೆತೊನರೆ ತೂಪುಂಡಾ ಪನ್ದ್ ಕಾತ್ದ್ ತೂವೊಡಾತೆ.