Last updated on July 14th, 2025 at 03:36 pm
ಕುಡ್ಲ, ಜು. 13 : ಪ್ರಧಾನಮಂತ್ರಿ ನರೇಂದ್ರ ಮೋದಿಯೆರೆ ಮುತಾಲಿಕೆದ ಕೇಂದ್ರ ಸರ್ಕಾರ ಪ್ರಧಾನಮಂತ್ರಿ ಇ-ಬಸ್ ಸೇವಾ ಯೋಜನೆದ ಅಡಿಟ್ ಕುಡ್ಲಗ್ ಒಟ್ಟು 100 ಪೊಸ ಇಲೆಕ್ಟ್ರಿಕ್ ಬಸ್ಲೆನ್ ಮಂಜೂರ್ ಮಲ್ದ್ಂಡ್ ಪನ್ದ್ ಮಂಗಳೂರು ಜಿಲ್ಲೆದ ಸಂಸದೆ ಕ್ಯಾ. ಬ್ರಿಜೇಶ್ ಚೌಟೆರ್ ಐತಾರ ತೆರಿಪಾಯೆರ್.
ಮುಡಿಪು ಕಂಬುಲಪದವುಡು ಪೊಸ ಆಟೋಮೇಟೆಡ್ ಡ್ರೈವಿಂಗ್ ಟೆಸ್ಟ್ ಸೆಂಟರ್ದ ಉದಿಪನ ಮಲ್ತ್ದ್ ಪಾತೆರ್ನ ಆರ್, ದೇಶೊಡು ಗಾಡಿಲೆರ್ದಾವರ ಉಂಡಾಪಿನ ವಾಯುಮಾಲಿನ್ಯೊನು ಕಮ್ಮಿ ಮಲ್ಪೆರೆ ಕೇಂದ್ರ ಸರ್ಕಾರ ದೇಶೊಡೊರ್ಮೆ ಎಲೆಕ್ಟ್ರಿಕ್ ಬಸ್ಲೆನ ಗರಕೆನ್ ಎಚ್ಚ ಮಲ್ಪಾವೊಂದುಂಡು. ಅಂಚೆನೇ ಒಕ್ಕೆಲ್ ಬೊಕ್ಕ ನಗರ ವೈವಾಟ್ಲೆನ ಸಚಿವಾಲಯೊರ್ದು ಕರ್ನಾಟಕೊಗು ಒಟ್ಟು 750 ಎಲೆಕ್ಟ್ರಿಕಲ್ ಬಸ್ಲ್ ಮಂಜೂರಾತ, ಅವೆಟ್ ಕುಡ್ಲ ಪೇಂಟೆಗ್ 100 ಬಸ್ಲೆನ್ ಮಂಜೂರು ಮಲ್ದ್ಂಡ್. ಬೆಳಗಾವಿ, ಹುಬ್ಬಳ್ಳಿ-ಧಾರವಾಡ, ಕಲಬುರ್ಗಿ, ಮೈಸೂರು, ಶಿವಮೊಗ್ಗ ಸೇರ್ದ್ ಒಟ್ಟು 10 ಪೇಂಟೆಲೆಗ್ 100 ಎಲೆಕ್ಟ್ರಿಕಲ್ ಬಸ್ಲೆನ್ ಮಂಜೂರು ಮಲ್ದ್ಂಡ್. ಪರಿಸರ ಸ್ನೇಹಿ ಆದುಪ್ಪುನ ಈ ಬಸ್ಲ್ ಬೇಗೊಡೇ ಕುಡ್ಲ ಪೇಂಟೆದ ಬೇತೆ ಬೇತೆ ರೂಟ್ಲೆಡ್ ಬಲಿಪುನ ಪನ್ದ್ ಪನ್ಡೆರ್.