Last updated on July 25th, 2025 at 09:46 am
ಕುಡ್ಲ, ಜು. 25: ದೆಲ್ಲಿದ ಲೀಲಾ ಪ್ಯಾಲೇಸ್ಡ್ ಜುಲೈ 12 ತಾನಿ ಗ್ಲಾಮರ್ ಗುರ್ಗಾಂವ್ ಅಟ್ಟನೆ ಮಲ್ದಿನ ಮಿಸ್ಸ್ ವಲ್ಡ್ ಇಂಟರ್ ನ್ಯಾಷನಲ್ ಪಂತೊಡು ಕುಡ್ಲದ ಮೈತ್ರಿ ಮಲ್ಲಿ ಮೇರ್ ಮಿಸ್ಸ್ ಬ್ಯೂಟಿಫುಲ್ ಐಸ್ (Miss Beautiful Eyes) ಪ್ರಶಸ್ತಿ ಗೆಂದ್ದ್ ತುಳುನಾಡ್ಗ್ ಪೆರ್ಮೆ ಕನತ್ದೆರ್.
ಉಂದು ಕರ್ನಾಟಕ ರಾಜ್ಯ ಗೆಂದಿನ ಒಂಜೇ ಒಂಜಿ ಪ್ರಶಸ್ತಿ ಆದುಂಡು. ದುಬೈ, ಆಸ್ಟ್ರೇಲಿಯಾ, ಲಂಡನ್, ಯುಎಸ್ಎ ಇಂಚ ಬೇತೆ ಬೇತೆ ದೇಶೊಲೆನ ಪೊಂಜೊವುಲು ಪಂತೊಡು ಪಾಲ್ಪಡೆದಿತ್ತೆರ್. ಮೈತ್ರಿ ಮೆರೆನ ವಿಭಾಗೊಡು 200 ರ್ದ್ಲಾ ಎಚ್ಚ ಸ್ಪರ್ಧಿಲು ಇತ್ತೆರ್. ಮೈತ್ರಿ ಮಲ್ಲಿ ಮೇರ್ ದಿ. ಬನ್ನಂಪಳ್ಳಿ ಮಧುಕರ್ ಮಲ್ಲಿ ಬೊಕ್ಕ ಅಂಜಾರ ಬೂಡು ವಿಜಯಲಕ್ಷ್ಮಿ ಎಂ. ಮಲ್ಲಿ ಮೊಕಲ್ನ ಮಗಲ್ ಅಂಚೆನೇ ವಿಕಾಸ್ ಮನೋಹರ್ರೆನ ಬೊಡೆದಿ. ಎಂಬಿಎ, ಎಂಜಿನಿಯರ್ ಡಿಗ್ರಿ ಆದುಪ್ಪುನ ಮೇರ್ ಅಟೊಮ್ ಫಿಟ್ನೆಸ್ ಕ್ಲಬ್ ಕುಡ್ಲದ ಕೊ-ಫೌಂಡರ್ಲಾ ಆದುಲ್ಲೆರ್.
ಮೈತ್ರಿ ಮಲ್ಲಿ ಮೇರ್ ಈ ದುಂಬುಲಾ ಪಾಕ ಪ್ರಶಸ್ತಿಲೆನ್ ಗೆಂದ್ದೆರ್. 2003 ಟ್ ಮಿಸ್ ಮ್ಯಾಂಗಲೋರ್, ಬೊಕ್ಕ 2012 ಟ್ ಮಿಸ್ ಬಂಟ್ ವರ್ಲ್ಡ್ ಕಿರೀಟ ಗೆಂದುನ ಮುಕೇನ ಈ ಕ್ಷೇತ್ರೊಡು ಮಲ್ಲ ಮಲ್ಲ ಸಾದಗೊ ಬೆನ್ತೆರ್. ರಾಷ್ಟ್ರೀಯ ಬೊಕ್ಕ ಅಂತಾರಾಷ್ಟ್ರೀಯ ಮಟ್ಟೊದ ಯೋಗ ಚಾಂಪಿಯನ್ಲಾ ಆದುಪ್ಪುನ ಮೈತ್ರಿ ಎಡ್ಡೇನ ಭರತನಾಟ್ಯ ಕಲಾವಿದೆದಿಲಾ ಆದುಲ್ಲೆರ್.