Last updated on July 4th, 2025 at 10:53 am
ಕುಡ್ಲ, ಜು. 04: ಕುಡ್ಲ ಪೇಂಟೆಡ್ ಬೊಕ್ಕ ಮಂಗಳೂರು ಜಿಲ್ಲೆಡ್ ಸಾಮಾಜಿಕ ಬಲೆತ್ತಾನೊಡು ಸಮಾಜೊದ ಶಾಂತಿ ನೆಮ್ಮದಿಗ್ ಅಡ್ಡ ಬರ್ಪಿನ ಅಂಚೆನೇ ಸಮಾಜೊದ ಸ್ವಾಸ್ಥ್ಯೊನು ತೇಟ್ಟಾಯೆರ ಪುನೆಪುನ, ಸಮಾಜೊದ ಶಾಂತಿ ನೆಮ್ಮದಿಗ್ ಪಡಾಯಿ ಮಲ್ಪುನ ಪ್ರಚೋದನಕಾರಿ ಸೊಲ್ಲಂಜೊನು ಸಾಮಾಜಿಕ ಬಲೆತ್ತಾನೊಡು ಪಟ್ಟಿನ ಆರೋಪಡ್ ಕಾರ್ಲ ತಾಲೂಕ್ದ ಇರ್ವತ್ತೂರು ಗ್ರಾಮೊದ ಆಶಿಕ್ ಎಸ್. ಕೋಟ್ಯಾನ್ ಪನ್ಪಿನಾಯನ್ ಗುರುವಾರ ಪೊಲೀಸೆರ್ ಕೈದ್ ಮಲ್ದೆರ್.
ಉಂಬ್ಯನ ಮಿತ್ತ್ ತೆನ್ಕಾಯಿ ಕುಡ್ಲ ಪೊಲೀಸ್ ಸ್ಟೇಷನ್ಡ್ ಅಪರಾಧ ಕ್ರಮಾಂಕ: 85/2025 ಕಲಂ.196,353(2),351(3) ಭಾರತೀಯ ನ್ಯಾಯ ಸಂಹಿತೆ 2023ತ ಪ್ರಕಾಲ ಪ್ರಕರಣ ದಾಕಲಾದಿತ್ತ್ದ್, ನನದ ಜಡ್ತೆಗ್ ಸೆನ್ ಕ್ರೈಂ ಪೊಲೀಸ್ ಸ್ಟೇಶನ್ಗ್ ಟ್ರಾನ್ಸ್ಫರ್ ಮಲ್ದೆರ್.
ಪ್ರಕರಣೊಡು ಆರೋಪಿ ಆದುಪ್ಪುನಾಯೆ ಇನ್ಸ್ಟಾಗ್ರಾಂ ಡ್ “ಎಂಕ್ಲೆಗ್ ಒವ್ವೇ ರೀತಿದ ಉತ್ತರೊಲು ಬೊರ್ಚಿ, ನೆತ್ತೆರ್ಗ್ ನೆತ್ತೆರೇ ಉತ್ತರ ಆವೊಡು, ಜೂವೊಗು ಜೂವೊನೇ ಬೋಡು” ಪನ್ದ್ ಸ್ಟೇಟಸ್ ಪಾಡ್ದಿತ್ತೆ, ಆಯನ್ ಪತ್ತ್ದ್ ವಿಚಾರಣೆ ಮಲ್ತೊಂದುಲ್ಲೆರ್.