Last updated on July 23rd, 2025 at 06:26 am
ಪುತ್ತೂರು, ಜು 23: ಸರಕಾರಿ ಬಸ್ಡ್ ಒರ್ತಿ ಜವನ್ದಿಗ್ ಉಪದ್ರ ಮಲ್ತಿನ ಜವನನ್ ಸಾರ್ವಜನಿಕೆರ್ ಪತ್ತ್ದ್ ಪೊಲೀಸೆರೆಗ್ ಒಪ್ಯಾದಿನ ನಡಕೆ ಕೋಡೆ, ಜುಲೈ 22ತಾನಿ ಪುತ್ತೂರುಡು ನಡತ್ದ್ಂಡ್.
ಕುಡ್ಲರ್ದ್ ಪುತ್ತೂರುಗು ಬರೊಂದಿತ್ತಿನ ಕೆ.ಎಸ್.ಆರ್.ಟಿ.ಸಿ ಬಸ್ಡ್ ಈ ನಡಕೆ ನಡತಿತ್ತ್ದ್, ಆರೋಪಿ ಪೊಣ್ಣನೊಟ್ಟುಗು ತತ್ತ್ದ್ ನಡತೊಂದೆ. ಈ ವಿಷಯ ತೆರಿನ ಒಂಜಿ ಕೂಟ ಪುತ್ತೂರು ಬಸ್ ಉಂತಡೆಡ್ ಆಯನ್ ಕಾತ್ದ್ ಕುಲ್ದಿತ್ತೆರ್. ಆರೋಪಿ ಬಸ್ರ್ದ್ ಜತ್ತಿನೇ ಅಲ್ಪರ್ದ್ ಬಲ್ತ್ದ್, ಒಂಜಿ ಅಂಗಡಿದುಲಯಿ ದೆಂಗ್ದ್ ಕುಲ್ದೆ. ಉಂದೆನ್ ತೂದು ಸಾರ್ವಜನಿಕೆರ್ ಆಯನ್ ಪತ್ತ್ದ್ ಪುತ್ತೂರು ಮಹಿಳಾ ಸ್ಟೇಶನ್ದ ಪೊಲೀಸೆರೆಗ್ ಒಪ್ಯಾದೆರ್ ಪನ್ದ್ ವರದಿ ಆತ್ಂಡ್. ಪೊಲೀಸೆರ್ ಆರೋಪಿನ್ ವಶೊಕು ಗೆತೊಂದಿತ್ತ್ದ್ ಜಡ್ತೆ ಮಲ್ತೊಂದುಲ್ಲೆರ್.
ಈ ನಡಕೆದ ಬಗೆಟ್ ಒಲವು ತಿಕ್ಕ್ದ್, ಹಿಂದೂ ಸಂಘಟನೆಲು ಬೊಕ್ಕ ಬಿಜೆಪಿ ಮುಖಂಡೆರ್ ಪುತ್ತೂರು ಮಹಿಳಾ ಸ್ಟೇಶನ್ದ ಎದುರು ಬತ್ತ್ದ್ ಸೇರ್ದ್, ಆರೋಪಿನ ಮಿತ್ತ್ ಕಠಿಣ ಕಾನೂನು ಕ್ರಮ ಗೆತೊನೊಡು ಪನ್ದ್ ಒತ್ತಾಯ ಮಲ್ತ್ದೆರ್.