ಪೆರಿಯ ರಂಗಭೂಮಿ ಕಲಾವಿದೆ, ಶಿವದೂತೆ ಗುಳಿಗೆ ನಾಟಕೊದ ಭೀಮಾರಾವ್ ಪುಗರ್ತೆದ ರಮೆಶ್ ಕಲ್ಲಡ್ಕ ತೀರ್ಯೆರ್

Last updated on July 23rd, 2025 at 11:49 am

ಬಂಟ್ವಾಳ: ಕಲ್ಲಡ್ಕದ ಕೊಲಕೀರ್ ನಿವಾಸಿ, ಪೆರಿಯ ತುಳು ರಂಗಭೂಮಿ ಕಲಾವಿದೆ, ಚಿತ್ರನಟೆ ಚಿ. ರಮೇಶ್ ಕಲ್ಲಡ್ಕ (68) ಮೇರ್ ಇನಿ, ಜುಲೈ 23ತ ಬುದಾರ ಕಾಂಡೆ ಹಾರ್ಟ್ ಅಟ್ಯಾಕ್‌‌ ಆದ್ ತೀರ್ಯೆರ್.

ಸುಮಾರ್ ವರ್ಸೊರ್ದಿಂಚಿ ರಂಗಭೂಮಿಡ್ ಬೆನೊಂದಿತ್ತಿನ ಮೇರ್ ಕುಡ್ಲದ ಪುಗರ್ತೆದ ಕಲಾಸಂಗಮ ನಾಟಕ ಕೂಟೊಡು ಕರಿನ 20 ವರ್ಸೊರ್ದಿಂಚಿ ಪಾಕ ನಾಟಕೊಲೆಡ್ ಬಣ್ಣ ಪೂಜಿದೆರ್.

ಶಿವದೂತೆ ಗುಳಿಗೆ ನಾಟಕೊಡು ಭೀಮಾರಾವ್ ಪಾರ್ಟ್ ಪಾಡ್ದ್ ಎಡ್ಡೆ ಪುದರ್ ಮಲ್ತಿತ್ತೆರ್. ಅಂಚೆನೇ ಒರಿಯರ್ದೊರಿ ಅಸಲ್, ಮದಿಮೆ, ಕುಟುಂಬ, ಶಿವಾಜಿ ಇಂಚಿನ ಪಾಕ ನಾಟಕೊಲೆಡ್ ನಟನೆ ಮಲ್ದೆರ್.  ಕಲ್ಲಡ್ಕ ಶಾರದೋತ್ಸವ, ಸರ್ಕಾರಿ ಶಾಲೆದ ಬುಲೆಚ್ಚಿಲ್‌ಡ್ ಕೈಗೋಡ್ಯಾವೆದೆರ್.