Last updated on July 2nd, 2025 at 04:34 pm
ಮೀರತ್ ಜುಲೈ 02: ಕಣಿಕ್ ಬೂರ್ದಿತ್ತಿನ ನಾಯಿದ ಕಿನ್ನಿನ್ ರಕ್ಷಣೆ ಮಲ್ಪುನ ಪೊರ್ತುಡು ಅವು ತುಚ್ಚಿನೆರ್ದಾವರ ಶಂಕಿತ ರೇಬಿಸ್ ಆದ್ ರಡ್ಡ್ ತಿಂಗೊಳು ಕರಿದ್ ರಾಜ್ಯಮಟ್ಟೊದ ಕಬ್ಬಡಿ ಗೊಬ್ಬುಗಾರೆ ತೀರ್ದಿನ ನಡಕೆ ಉತ್ತರಪ್ರದೇಶೊದ ಬುಲಂದ್ ಶಹರ್ಡ್ ನಡತ್ದ್ಂಡ್. ರಾಜ್ಯ ಚಾಂಪಿಯನ್ಶಿಪ್ಡ್ ಬಂಗಾರ್ದ ಮೆಡಲ್ ಆಕ್ದಿನ ಅಂಚೆನೇ ಪ್ರೊ ಕಬಡ್ಡಿ ಲೀಗ್ ಗೊಬ್ಬೆರೆ ಇತ್ತಿನ 22 ವರ್ಸ ಪ್ರಾಯೊದ ಬ್ರಿಜೇಶ್ ಸೋಲಂಕಿ ತೀರ್ದಿನ ಕಬಡ್ಡಿ ಪ್ಲೇಯರ್.
ರಡ್ಡ್ ತಿಂಗೊಲುಗು ದುಂಬು ಕಣಿಕ್ ಬೂರ್ದಿನ ನಾಯಿದ ಕಿನ್ನಿದ ರಕ್ಷಣೆ ಮಲ್ತಿತ್ತೆರ್. ಆ ಪೊರ್ತುಡು ಕಿನ್ನಿ ಆರೆಗ್ ತುಚ್ಚಿದಿತ್ತ್ಂಡ್, ಆಂಡ ಸೋಲಂಕಿ ರೇಬಿಸ್ ಶಾಟ್ ಗೆತೊನಂದೆ ಸಸಾರ ಮಲ್ತೆರ್. ರಡ್ಡ್ ತಿಂಗೊಳು ಕರಿದ್ ಆರೆಗ್ ರೇಬಿಸ್ ಲಕ್ಷಣ ತೋಜಿದ್ ಬತ್ತ್ದ್ಂಡ್. ಜೂನ್ 26 ತಾನಿ ಒರರ್ದ್ ಒರಾನೆ ಸೋಲಂಕಿ ಆರೋಗ್ಯಡ್ ಎಚ್ಚಿಕಮ್ಮಿ ಆತ್ಂಡ್. ಆರೆನ ಸ್ಥಿತಿ ತೆಟ್ಟೊಂದು ಬತ್ತಿನೇ ಜಿಲ್ಲಾಸ್ಪತ್ರೆಗ್ ಲೆತೋಂದು ಪೋತೆರ್. ಬೊಕ್ಕ ನೋಯ್ಡಾದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಮೆಗ್ಯೆ ಸಂದೀಪ್ ಕುಮಾರ್ ಕೊರ್ತಿನ ಒಲವುದ ಪ್ರಕಾರ ಬ್ರಿಜೇಶ್ ಸೊಲಂಕಿ ಒರರ್ದ್ ಒರಾನೆ ನೀರ್ಗ್ ಪೋಡ್ಯೆರ ಸುರು ಮಲ್ತೆರ್ ಬೊಕ್ಕ ರೇಬೀಸ್ ಲಕ್ಷಣೊಲು ತೋಜಿದ್ ಬತ್ತಿತ್ತ. ನೋಯ್ಡಾಡ್ ಡಾಕ್ಟರ್ ಆರೆಗ್ ರೇಬೀಸ್ ಆತ್ಂಡ್ ಪನ್ದ್ ದೃಢ ಮಲ್ತೆರ್. ಕಿನ್ನಿ ನಾಯಿ ತುಚ್ಚಿನೆನ್ ಸಸಾರ ಮಲ್ತ್ದ್ ಎಡ್ಡೆ ಕಬ್ಬಡಿ ಪ್ಲೇಯರ್ ಒರಿ ಜೂವ ಕಲೆಯೊನೊಡಾಂಡ್.