Last updated on July 12th, 2025 at 03:42 pm
ಕುಡ್ಲ, ಜು. 12: ಎಂಆರ್ಪಿಎಲ್ ಡ್ ಇಪ್ಪುನ ಗ್ಯಾಸ್ ಪ್ರೊಡಕ್ಷನ್ ಯುನಿಟ್ಡ್ ಗ್ಯಾಸ್ ಲೀಕ್ ಆದ್ ಇರ್ವೆರ್ ಕಾರ್ಮಿಕೆರ್ ತೀರ್ದ್, ಒರಿ ಗಾತಿದ ಸ್ಥಿತಿಟ್ ಇಪ್ಪುನ ನಡಕೆ ತೊರತ್ತಲ್ದ ಎಂಆರ್ಪಿಎಲ್ಡ್ ಶನಿವಾರ ಕಾಂಡೆ ವರದಿ ಆತ್ಂಡ್.
ಎಂಆರ್ಪಿಎಲ್ ನ OM&S ಯುನಿಟ್ದ ಸ್ಟೋರೇಜ್ ಏರಿಯಾಡ್ ಈ ನಡಕೆ ನಡತ್ದ್ಂಡ್ ಪನ್ದ್ ಪನೊಂದುಲ್ಲೆರ್. ಪೆಟ್ರೋಲಿಯಂ ರಿಫೈನರಿ ಆದ್ ಬೇಲೆ ಮಲ್ತೊಂದಿಪ್ಪುನ ಎಂಆರ್ಪಿಎಲ್ ದ ವೇಸ್ಟ್ ಆಯಿಲ್ ಸ್ಟೋರೇಜ್ ಯುನಿಟ್ಡ್ ಲೆವೆಲ್ ಪಗಪುನೆತ ಪರಿಶೀಲನೆಗ್ ಪೋತಿನ ಕಾರ್ಮಿಕೆ ಪಿರಬರಂದಿನೆನ್ ತೂದು ಕುಡ ಇರ್ವೆರ್ ಕಾರ್ಮಿಕೆರ್ ಪೋತೆರ್. ಈ ಪೊರ್ತುಡು ಮೂವೆರ್ಲಾ ಉಸಾರ್ ತತ್ತ್ದೆರ್.
ಅಪಗನೇ ಅಕಲೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಸಾದಿ ನಡುಟು ಇರ್ವೆರ್ ತೀರ್ದಿತ್ತ್ದ್, ಒರಿಯನ್ ಆಸ್ಪತ್ರೆಗ್ ದಾಕಲ್ತ್ದ್ ಮರ್ದ್ ಮಲ್ತೊಂದುಲ್ಲೆರ್.
ದೀಪ ಚಂದ್ರ ಭಾರ್ತಿಯಾ ಬೊಕ್ಕ ಬಿಜಿಲ್ ಪ್ರಸಾದ್ ತೀರ್ದಿನ ಸಿಬ್ಬಂದಿಲು.