Last updated on July 6th, 2025 at 10:32 am
ಪುತ್ತೂರು, ಜು. 05: ತನ್ನ ಒಟ್ಟುಗು ಕಲ್ಪುನ ಪೊಣ್ಣನ್, ಮದಿಮೆ ಆಪೆ ಪನ್ದ್ ನಂಬಾದ್, ದೈಹಿಕ ಸಂಪರ್ಕ ಬುಲೆಪಾದ್, ಆಲ್ ಬಂಜಿನಾಲ್ ಆಯಿ ಬೊಕ್ಕ ಮದಿಮೆ ನಿರಾಕರಿತಿನ ಪ್ರಕರಣೊಗು ಸಂಬಂಧಿತ್ದ್ ಇತ್ತೆ ಪೊಲೀಸೆರ್ ಆರೋಪಿ ಕೃಷ್ಣ ಜೆ ರಾವ್ ನ ಅಮ್ಮೆ ಬಿಜೆಪಿ ಮುಖಂಡೆ ಪಿ.ಜಿ.ಜಗನ್ನಿವಾಸ್ ರಾವ್ ಮೆರೆನ್ ಅರೆಸ್ಟ್ ಮಲ್ದೆರ್.
ಪೊಣ್ಣನ್ ಮದಿಮೆ ಆಪೆ ಪನ್ದ್ ನಂಬಾದ್ ಆಲೆಡ ದೈಹಿಕ ಸಂಪರ್ಕ ಮಲ್ತ್ದ್ ಬಾಲೆ ಕೊರ್ತಿನ ಪ್ರಕರಣೊಡು ಕರಿನ ಪತ್ತ್ ದಿನೊರ್ದಿಂಚಿ ನಾಪತ್ತೆ ಆದಿತ್ತಿನ ಆರೋಪಿ ಕೃಷ್ಣ ಜೆ. ರಾವ್ (21) ನ್ ಪೊಲೀಸೆರ್ ಮೈಸೂರ್ದ ಟಿ ನರಸೀಪುರಡ್ ಕೈದ್ ಮಲ್ದೆರ್. ಇತ್ತೆ ತನ್ನ ಮಗೆ ಪದ್ರಾಡಾಯೆರ ಸಕಾಯ ಮಲ್ತಿನ ಆರೋಪಡ್ ಆರೋಪಿನ ಅಮ್ಮೆ ಬಿಜೆಪಿ ಮುಖಂಡೆ ಪಿ.ಜಿ.ಜಗನ್ನಿವಾಸ್ ರಾವ್ ನ್ ಅರೆಸ್ಟ್ ಮಲ್ದೆರ್. ಅಮ್ಮಮಗಕ್ ವೈದ್ಯಕೀಯ ತಪಾಸಣೆ ಮಲ್ತ್ದ್ ನ್ಯಾಯಂತಡೆದ ಎದುರು ಹಾಜಿರ್ ಮಲ್ತ್ದ ಪನ್ದ್ ಎಸ್ಪಿ ಅರುಣ್ ತೆರಿಪಾದೆರ್.
ಅಮ್ಮೆ ಜಗನ್ನಿವಾಸ ರಾವ್ ಗ್ ಜಾಮೀನು ಕೊರ್ದಿತ್ತ್ಂಡ, ಮಗಕ್ ನ್ಯಾಯಾಂಗ ಕೈದ್ ಕೊರ್ತೆರ್. ಈ ಪ್ರಕಾಲ, ಕೃಷ್ಣ ರಾವ್ ಕರ್ಪಿಲ್ಲ್ ಸೇರ್ದೆ.