Last updated on July 20th, 2025 at 08:40 am
ತೊರ್ತಲ್, ಜುಲೈ 20: ವನಸ್ ಮಲ್ತ್ದ್ ಇಲ್ಲದಕ್ಲೆನ ಒಟ್ಟುಗು ಕುಲೊಂದು ಪಾತೆರೊಕದುಪ್ಪುನಗನೇ ಒರರ್ದ್ ಒರಾನೆ ಕುಸ್ಕ್ದ್ ಬೂರ್ದ್ ಜವನೆ ಒರಿ ತೀರ್ದಿನ ನಡಕೆ ಕೃಷ್ಣಾಪುರ 6ನೇ ಬ್ಲಾಕ್ಡ್ ಶುಕ್ರವಾರ ರಾತ್ರೆ ನಡತ್ದ್ಂಡ್.
ತೀರ್ದಿನಾರ್ ಕೃಷ್ಣಾಪುರ 6ನೇ ಬ್ಲಾಕ್ ನಿವಾಸಿ ಮುಹಮ್ಮದ್ ಯೂನಸ್ ಪನ್ದ್ ತೆರಿದ್ ಬೈದ್ಂಡ್. ಗಲ್ಫ್ಡ್ ಬೇಲೆಡಿತ್ತಿನ ಯೂನಸ್ 15 ದಿನೊತ ರಜೆ ಗೆತೊಂದು ಊರ್ಗ್ ಬತ್ತಿತ್ತೆರ್. ಶುಕ್ರವಾರ ರಾತ್ರೆ 11:30ತ ಅಂದಾಜಿಗ್ ಇಲ್ಲಡ್ ವನಸ್ ಮಲ್ತ್ದ್ ಇಲ್ಲದಕ್ಲೆನ ಒಟ್ಟುಗು ಕುಲೊಂದು ಪಾತೆರೊಂದುಪ್ಪುನಗನೇ ಹಾರ್ಟ್ ಅಟ್ಯಾಕ್ ಆತ್ಂಡ್.
ಅಪಗನೇ ಆರೆನ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಅಡೆ ಎತ್ತ್ನಗ ಆರ್ ತೀರ್ದೆರ್ ಪನ್ದ್ ಬೈದ್ಯೆರ್ ತೆರಿಪಾದೆರ್. ತೀರ್ದಿನ ಮುಹಮ್ಮದ್ ಯೂನಸ್ ಮೇರ್ ಬೊಡೆದಿ, ಒಂಜಿ ವರ್ಸೊದ ಬಾಲೆ, ಅಪ್ಪೆಅಮ್ಮೆ ಬೊಕ್ಕ ಬಂಧುಮಿತ್ರೆರೆನ್ ಅಗತ್ದೆರ್.