Last updated on August 28th, 2025 at 08:36 am
ಸುಳ್ಯ, ಆ. 28: ಗೂವೆಲ್ಗ್ ಲಾಗಿದ್ 10ನೇ ಕ್ಲಾಸ್ದ ಆಣ್ ಒರಿ ಜೂವ ಗೆತ್ತೊಂದಿನ ನಡಕೆ ಆಗಸ್ಟ್ 26ತಾನಿ ಐವರ್ನಾಡ್ ರಬ್ಬರ್ ಫ್ಯಾಕ್ಟರಿದ ಕೈತಲ್ ನಡತ್ದ್ಂಡ್. ಕೌಶಿಕ್ ಕುಮಾರ್ ತೀರ್ದಿನ ಆಣ್.
ಇಲ್ಲದ ಮುಟ್ಟಡ್ ಸಾರ್ವಜನಿಕ ಗೂವೆಲ್ಗ್ ಕೌಶಿಕ್ ಕುಮಾರ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದಿತ್ತ್ದ್ ಫೈಚಾರ್ದ ಮುರ್ಕುತಜ್ಞೆ ಅಬ್ಬಾಸ್ ಶಾಂತಿನಗರ ಬೊಕ್ಕ ಬಶೀರ್ ಆರ್.ಬಿ, ಅಶ್ರಫ್ ಅಚ್ಚಪ್ಪು ಮೊಕುಲು ಗೂವೆಲ್ಗ್ ಜತ್ತ್ದ್ ಪುನೊನು ಮಿತ್ತ್ ಕನತ್ದೆರ್. ಬೊಕ್ಕ ಪನೊನು ಸುಳ್ಯ ಸರಕಾರಿ ಆಸ್ಪತ್ರೆಗ್ ಕೊನೊತೆರ್. ಬೆಳ್ಳಾರೆ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್. ಆಣ್ ಅಮ್ಮೆ ವಿಜಯಕಾಂತ, ಅಪ್ಪೆ ಬೊಕ್ಕ ಸಂಗಡಿನ್ ಅಗತ್ದೆರ್. ಆತ್ಮಹತ್ಯೆಗ್ ಪತ್ತ ನೆವನ ತೆರಿದ್ ಬೈದಿಜಿ.