Last updated on August 27th, 2025 at 08:23 am
ಬೊಲ್ತೇರ್, ಆ. 26: ಕ್ರೈಸ್ತ ಸಮುದಾಯೊದ ಬಗೆಟ್ ಕಲು ಸುದ್ದಿ ಪರಡಾಯಿನ ಆರೋಪಡ್ ಧರ್ಮಸ್ಥಳ ಪರ ಪೊರ್ಮ್ಬಾಟೊಡು ಪುದರಾತಿನ ವಸಂತ್ ಗಿಳಿಯಾರ್ನ ಮಿತ್ತ್ ಬೊಲ್ತೇರ್ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್.
ಕರ್ನಾಟಕ SYRO ಮಲಬಾರ್ ಕ್ಯಾಥೋಲಿಕ್ ಅಸೋಸಿಯೇಷನ್ ಈ ಒಯಿಲ್ ಬರೆಪಾದ್ಂಡ್. ಬೊಲ್ತೇರ್ ತಾಲೂಕ್ದ ಕಿರ್ಸಾನ್ದಕ್ಲೆನ ಬಗೆಟ್ ಕಲು ಸುದ್ದಿ ಪಟ್ಟೊಂದುಲ್ಲೆರ್ ಪನ್ದ್ ಅಸೋಶಿಯೇಷನ್ ಆರೋಪ ಮಲ್ತ್ಂಡ್. ಬೆಂಗಳೂರ್ದ ಫ್ರೀಡಂ ಪಾರ್ಕ್ಡ್ ನಡತಿನ ಧರ್ಮ ಸಂರಕ್ಷಣಾ ಸಭೆಟ್ ಮಾತನಾಡಿದ್ದ ವಸಂತ್ ಗಿಳಿಯಾರ್, ಮಿಶನರಿಲೆನ ಪ್ರಭಾವೊಡು ಹಿಂದುಲೆನ ತುಳಸಿ ಕಟ್ಟೆ ಪುಡತ್ದೆರ್. ಅವೆರ್ದ್ ಬೊಕ್ಕ ಆ ಜಾಗೆಡ್ ಕುರ್ಸು ದೀತೆರ್. 1983 ಟ್ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಸುರು ಆಯಿಬೊಕ್ಕ ಇಂಚಿನ ಬೇಲೆಲು ಉಂತುದ ಪನ್ದ್ ಪನ್ತೆರ್.
ತೊಡುಕು ಬಲಿ ಆವಂದಿಲೆಕ ಗ್ರಾಮ ಅಭಿವೃದ್ಧಿ ಯೋಜನೆ ತೂವೊಂದುಂಡು ಪನ್ದ್ ವಸಂತ್ ಗಿಳಿಯಾರ್ ಪನ್ದಿತ್ತೆರ್. ಸಾರ್ವಜನಿಕವಾದ್ ಸುಳ್ಳು ಆರೋಪ ಮಲ್ತ್ದೆರ್, ದಂಗೆ ಲಕ್ಕೆರೆ ಗಾಳಿ ಪಾಡುನ ಉದ್ದೇಶೊಡು ಈ ಭಾಷಣ ಮಲ್ದೆರ್. ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಬಗೆಟ್ ಎಂಕ್ಲೆಗ್ ಎಡ್ಡೆ ಅಭಿಪ್ರಾಯ ಉಂಡು. ಆಂಡ ಗಿಳಿಯಾರ್ ಕಟ್ಟ್ಕಥೆ ಪನ್ತೆರ್ ಪನ್ದ್ ಕರ್ನಾಟಕ SYRO ಮಲಬಾರ್ ಕೆತೋಲಿಕ್ ಅಸೋಸಿಯೇಷನ್ ಪನ್ತ್ನ್ಡ್.