Last updated on August 22nd, 2025 at 09:07 am
ಎಲ್ಯಮಗಲ್ನೂರು, ಆ. 22: ಯೂಟ್ಯೂಬರ್ ಎಂ.ಡಿ ಸಮೀರ್ನ ಮಿತ್ತ್ ವಿಶ್ವ ಹಿಂದೂ ಪರಿಷತ್ ಪದುಕೆ ಮಂಜು ಜೈನ್ ಮೇರ್ ಎಲ್ಯಮಗಲ್ನೂರುದ ಕಡೂರು ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್.
ಸಾಮಾಜಿಕ ಬಲೆತ್ತಾನೊಡು ಹಿಂದೂಲೆನ ಧಾರ್ಮಿಕ ಶ್ರದ್ಧಾ ಕೇಂದ್ರೊದ ಬಗೆಟ್ ಬೊರ್ಚಂದಿನ ಪಾತೆರ ಪನ್ತೆ ಪನ್ದೊ ಆರೋಪ ಮಲ್ತ್ದ್ ಒಯಿಲ್ ಬರೆಪಾದೆರ್. ಧರ್ಮಸ್ಥಳದ ಬಗೆಟ್ ಅಪಪ್ರಚಾರ ಮಲ್ತ್ದ್ ಎಂಕ್ಲೆನ ಭಾವನೆಲೆಗ್ ತೆಟ್ಟ್ ಬಯಕ್ದೆ. ಆಯನ ಮಿತ್ತ್ ಪ್ರಕರಣ ದಾಕಲ್ತ್ದ್ ಬೋಡಾಪಿನ ಕಾನೂನು ಕ್ರಮ ಗೆತೊನ್ಲೆ ಪನ್ದ್ ಕಾಯೆಸ್ ಮಲ್ದೆರ್.
ಕಡೂರು ಪೊಲೀಸೆರ್ ಮಂಜು ಜೈನ್ರ್ದ್ ಒಯಿಲ್ ಬರೆಪಾವೊಂದು ಉನ್ನತ ಅಧಿಕಾರಿಲೆನ ನಿರ್ದೇಶನದ ಪ್ರಕಾರ ನನದ ಕ್ರಮೊ ಗೆತೊನುರ್. ಎಲ್ಯಮಗಲ್ನೂರು ಜಿಲ್ಲೆದ ಕಳಸ ಪೇಂಟೆಡ್ಲಾ ಜೈನ್ ಸಮುದಾಯ ಮಲ್ಲ ಪೊರ್ಮ್ಬಾಟ ಮಲ್ತ್ದ್ ಧರ್ಮಸ್ಥಳದ ಬಗೆಟ್ ಅಪಪ್ರಚಾರ ಮಲ್ತೊಂದುಪ್ಪುನಕ್ಲೆನ ಮಿತ್ತ್ ಕ್ರಮ ಗೆತೊನೊಡು ಪನ್ದ್ ಬಿನ್ನಪು ಮಲ್ತ್ದೆರ್.