‘ಆರಿ’ ಕಲೆತ ಸಾದಗೊಗು ಡಾ. ಅನುಪಮಾ ವೆಂಕಟೇಶ್ ಮೆರೆಗ್ ಕಲಾಶ್ರೀ ಪ್ರಶಸ್ತಿ

Last updated on August 21st, 2025 at 05:59 pm

ಕುಡ್ಲ, ಆ. 21: ಬೆಂಗಳೂರ್‌ಡ್ ಆಗಸ್ಟ್ 10ತಾನಿ ನಡತಿನ 2 ನೇ ಇಂಟರ್ ನ್ಯಾಷನಲ್ ವರ್ಲ್ಡ್ ಆರಿ ವರ್ಕ್ ಮೀಟ್‌ಡ್ ತೊರ್ತಲ್‌ದ ಡಾ. ಅನುಪಮಾ ವೆಂಕಟೇಶ್ ಮೇರ್ ಒಡಿಪು ಜಿಲ್ಲೆನ್ ಪ್ರತಿನಿಧಿತ್‌ದ್, 274 ಪೊಂಜೊವುಲು ಸೇರ್ದ್ ಆರಿ ನೋಬಲ್ ವರ್ಲ್ಡ್ ರೆಕಾರ್ಡ್ ಬೊಕ್ಕ ಆಸ್ಕರ್ಸ್ ಬುಕ್ ಆಫ್ ರಿಗಾರ್ಡ್ಸ್‌ಡ್ ರೆಕಾರ್ಡ್ ಮಲ್ಪುನೆತ ಪಿರವು ಬೆನ್ತೆರ್. ಅಂಚೆನೇ ಮೆರೆನ 17 ವರ್ಸೊದ ಆರಿ ಎಂಬ್ರಾಯ್ಡರಿ ಬೇಲೆದ ಶ್ರಮೊನು, ಸಾದಗೊನು ಗುರ್ತ ಪತ್ತ್‌ದ್ ಆರೆಗ್ ‘ಆರಿ ಕಲಾಶ್ರೀ’ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್.