Last updated on August 5th, 2025 at 09:10 am
ದೆಲ್ಲಿ, ಆ. 05: ಪ್ರಧಾನಿ ನರೇಂದ್ರ ಮೋದಿಯೆರೆನ ವಾರ್ಷಿಕ ಕಾರ್ಯಕ್ರಮ ‘ಪರೀಕ್ಷಾ ಪೆ ಚರ್ಚಾ’ ಗ್ 3.53 ಕೋಟಿರ್ದ್ಲಾ ಎಚ್ಚ ರೆಜಿಸ್ಟ್ರೇಷನ್ಲು ಬೊಕ್ಕ ಟಿವಿಡ್ 21 ಕೋಟಿರ್ದ್ಲಾ ಎಚ್ಚ ಜನೊಕುಲು ತೂಪುನ ಮುಕೇನ ವಿಶ್ವ ದಾಕಲೆ ಬರೆತ್ಂಡ್. ಈ ಮುಕೇನ ‘ಪರೀಕ್ಷಾ ಪೆ ಚರ್ಚಾ’ ಗಿನ್ನೆಸ್ ವಿಶ್ವ ದಾಕಲೆಗ್ ಪೊಗ್ಗುದುಂಡು ಪನ್ದ್ ಕೇಂದ್ರ ಶಿಕ್ಷಣ ಸಚಿವೆ ಧರ್ಮೇಂದ್ರ ಪ್ರಧಾನ್ ತೆರಿಪಾದೆರ್.
‘ಪರೀಕ್ಷಾ ಪೆ ಚರ್ಚಾ’ 2018ಡ್ ಪ್ರಧಾನಿ ಮೋದಿ ಸುರು ಮಲ್ತಿನ ವಾರ್ಷಿಕ ಕಾರ್ಯಕ್ರಮ ಆದುಂಡು. ಈ ಕಾರ್ಯಕ್ರಮೊದ ಮುಕೇನ ಪ್ರಧಾನಿ ಮೋದಿ ದೇಶೊದ ವಿದ್ಯಾರ್ಥಿಲು, ಶಿಕ್ಷಕೆರ್ ಬೊಕ್ಕ ಪೋಷಕೆರೆ ಒಟ್ಟುಗು ಪಾತೆರುವೆರ್ ಅಂಚೆನೆ ಮಂಡೆಬೆಚ್ಚ ದಾಂತೆ ಬೋರ್ಡ್ ಪರೀಕ್ಷೆಲೆಗ್ ಎಂಚ ರೆಡಿ ಆವೊಡು ಪನ್ಪಿನೆತ ಬಗೆಟ್ ಸಲಹೆಲೆನ್ ಪಟ್ಟೊನುವೆರ್.