Last updated on August 4th, 2025 at 07:10 am
ಕುಂದಾಪುರ, ಆ. 04: ಪ್ರೈವೇಟ್ ಬಸ್ ಒಂಜಿ ಸ್ಕೂಟರ್ಗ್ ಎಡ್ತಿನೆರ್ದಾವರ ಸ್ಕೂಟರ್ಡ್ ಪಿರವು ಕುಲ್ದಿತ್ತಿನಾರ್ ಅಲ್ಪನೇ ತೀರ್ದಿನ ನಡಕೆ ಕೋಡೆ ಮಧ್ಯಾಹ್ನ 12.30 ತ ಅಂದಾಜಿಗ್ ಬೈಂದೂರು – ಕುಂದಾಪುರ ರಾಷ್ಟ್ರೀಯ ಪೆರ್ಸಾದಿ 66ತ ಸಂಗಮ್ ಜಂಕ್ಷನ್ ಕೈತಲ್ ನವಭಾರತ್ ಟಿಂಬರ್ ಎದುರುದ ತಾದಿಡ್ ನಡತ್ದ್ಂಡ್.
ತೀರ್ದಿನಾರೆನ್ ಹೊಸಮಠ ಚಾರುಕೊಟ್ಟಿಗೆ ನಿವಾಸಿ ಜಲಜಾ (64) ಪನ್ದ್ ಗುರ್ತ ಪತ್ತ್ದೆರ್. ಆರೆನ ಕಂಡನೆ ಸ್ಕೂಟರ್ ಬುಡೊಂದಿತ್ತಿನ ನಾರಾಯಣೆರೆಗ್ ಗಾತಿದ ಗಡಿಕುಲಾದಿತ್ತ್ದ್, ಆಸ್ಪತ್ರೆಗ್ ದಾಕಲ್ತ್ದೆರ್.
ಆನಗಳ್ಳಿರ್ದ್ ಚಾರುಕೊಟ್ಟಿಗೆಗ್ ನಾರಾಯಣೆ ಬೊಕ್ಕ ಜಲಜಾ ಮೊಕುಲು ಸ್ಕೂಟರ್ಡ್ ಪೋವೊಂದಿತ್ತೆರ್.
ಸಂಗಮ್ದ ಕೈತಲ್ ಬಸ್ ಪಿರವುರ್ದ್ ಬರಸ್ಡ್ ಬತ್ತ್ದ್ ಸ್ಕೂಟರ್ಗ್ ಎಡ್ತ್ದ್ಂಡ್. ಎಡ್ತಿನ ಪೆಟ್ಟ್ಗ್ ನಾರಾಯಣೆ ಬೊಕ್ಕ ಜಲಜಾ ಇರ್ವೆರ್ಲಾ ತಾದಿಗ್ ರಟ್ಟ್ದೆರ್. ಜಲಜಾ ರೆನ ತರೆಕ್ ಗಾತಿದ ಪೆಟ್ಟ್ ಬೂರ್ದ್, ಮತಿತತ್ತ್ದೆರ್. ಅಪಗನೇ ಮುಟ್ಟದಕುಲು ಮಾತ ಸೇರ್ದ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಂಡ ಅಡೆ ಎತ್ತೆರೆ ದುಂಬೇ ತೀರ್ದೆರ್ ಪನ್ದ್ ಬೈದ್ಯೆರ್ ತೆರಿಪಾದೆರ್. ಬಸ್ ಡ್ರೈವರ್ನ ಮಿತ್ತ್ ಕುಂದಾಪುರ ಟ್ರಾಫಿಕ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.