ರಾಹುಲ್ ಗಾಂಧಿನ ವೋಟ್ ಕಲ್ವೆದ ಆರೋಪಗ್ ವಿರೋಧ ಮಲ್ತಿನ ಕಾಂಗ್ರೆಸ್ ಸಚಿವೆ ರಾಜಣ್ಣೆ ರಾಜೀನಾಮೆ..!!

Last updated on August 12th, 2025 at 08:32 am

ಬೆಂಗಳೂರು, ಆ. 11: ಹೈಕಮಾಂಡ್ ಸೂಚನೆದ ಬೆರಿಟೇ ಸಚಿವ ಸ್ಥಾನೊಗು ಸಹಕಾರಿ ಸಚಿವೆ ಕೆಎನ್ ರಾಜಣ್ಣೆ ರಾಜೀನಾಮೆ ಕೊರ್ತೆರ್. ರಾಜಣ್ಣನ ಮಗೆ ರಾಜೇಂದ್ರೆ ರಾಜೀನಾಮೆದ ಓಲೆನ್ ಸಿಎಂ ಸಿದ್ದರಾಮಯ್ಯೆರೆಗ್ ಕೊರ್ತೆರ್.

ಸುರುಟ್ ಒರ ಸೆಪ್ಟೆಂಬರ್ ಕ್ರಾಂತಿದ ಪಾತೆರ ಪನ್ಡ್‌ದ್ ರಾಜಣ್ಣೆ ಸಂಚಲನ ಉಂಡು ಮಲ್ತಿತ್ತೆರ್. ರಾಹುಲ್ ಗಾಂಧಿನ ವೋಟ್ ಕಲ್ವೆದ ಆರೋಪದ ಬಗೆಟ್ ರಾಜಣ್ಣೆ ಎಂಕ್ಲೆನ ಪೊರ್ತುಡು ವೋಟ್‌ದ ಲಿಸ್ಟ್ ಆದಿತ್ತ್ಂಡ್ ಪನ್ದ್ ತೆರಿಪಾದಿತ್ತೆರ್.

ಕಾಂಗ್ರೆಸ್ ಸರ್ಕಾರ ಅಧಿಕಾರೊಡೂ ಇಪ್ಪುನಗನೇ ಮತದಾರೆರೆ ಪಟ್ಟಿ ರೆಡಿ ಮಲ್ದ್ಂಡ್. ಅಪಗ ಮಾತಾ ಕಣ್ಣ್ ಮಚ್ಚಿದ್ ಕುಲ್ದಿತ್ತೆರಾ ಪನ್ದ್ ರಾಜಣ್ಣೆ ಕೇನ್ದೆರ್. ರಾಜಣ್ಣನ ಪಾತೆರಡ್ ಕಾಂಗ್ರೆಸ್‌ಗ್ ಪೊಕ್ಕಡೆ ಆತ್ಂಡ್. ಈ ಪಾತೆರೊದ ಬೆರಿಟೇ ಹೈಕಮಾಂಡ್ ರಾಜಣ್ಣಗ್ ರಾಜೀನಾಮೆ ಕೊರ್ಯೆರ ಪನ್ದಿತ್ತ್ಂಡ್. ಕರ್ನಾಟಕ ಕಾಂಗ್ರೆಸ್ ಉಸ್ತುವಾರಿ ರಣದೀಪ್ ಸುರ್ಜೇವಾಲಾ ಸಿಎಂಗ್ ಕಾಲ್ ಮಲ್ತ್‌ದ್ ರಾಜೀನಾಮೆ ಗೆತೊನ್ಲೆ ಪನ್ದ್ ಸೂಚನೆ ಕೊರ್ತಿನ ಬೆರಿಟೇ ರಾಜಣ್ಣೆ ರಾಜೀನಾಮೆ ಕೊರ್ತೆರ್.