Last updated on August 31st, 2025 at 09:24 am
ಕುಡ್ಲ, ಆ. 31 – ನಂತೂರು ಮುಟ್ಟದ ರೋಡ್ಡ್ ಒಂಜಿ ಗಾಡಿನ್ ಓವರ್ ಟೇಕ್ ಮಲ್ಪುನ ಪೊರ್ತುಡು ಸ್ಕೂಟರ್ ಬುಡೊಂದಿತ್ತಿನಾರ್ ಒರಿ ಸಾದಿದ ಗುಂಡಿಗ್ ಬೂರ್ದಿನ ನಡಕೆ ನಡತ್ದ್ಂಡ್.
ಸ್ಕೂಟರ್ ಬುಡೊಂದಿತ್ತಿನಾರ್ ಬೇತೆ ಗಾಡಿ ಒಂಜೆನ್ ಓವರ್ ಟೇಕ್ ಮಲ್ಪೆರ ತೂವೊಂದಿತ್ತೆರ್, ಈ ಪೊರ್ತುಡು ಸಾದಿಡ್ ಇತ್ತಿನ ಗುಂಡಿಗ್ ಬೂರ್ದೆರ್. ಅಪಗ ಸ್ಕೂಟರ್ದ ಪಿರವುರ್ದ್ ಇತ್ತಿನ ರಾಜಲಕ್ಷ್ಮಿ ಬಸ್ದ ಡ್ರೈವರ್ ಶಶಿ ಪನ್ಪಿನಾರ್ ಬಸ್ನ್ ಒರಿನೆ ಬ್ರೇಕ್ ಪಾಡ್ದ್ ಉಂತಾದೆರ್.
ಉಂದೆರರ್ದಾವರ ಸ್ಕೂಟರ್ ಬುಡೊಂದಿತ್ತಿನಾರೆನ ಜೂವ ಒರಿದ್ಂಡ್. ಇತ್ತೆ ಈ ನಡಕೆದ ವಿಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್.