Last updated on August 2nd, 2025 at 09:54 am
ಮುಲ್ಕಿ, ಅ 2: ರಡ್ಡ್ ಕಾರ್ಲ್ ಎದುರೆದುರು ಎಡ್ತೊಂದು ಬಾಲೆ ಸೇರ್ದ್ ಮೂವೆರೆಗ್ ಗಾತಿದ ಗಡಿಕುಲಾತಿನ ನಡಕೆ ಕಿನ್ನಿಗೋಳಿ–ಮುಲ್ಕಿ ರಾಜ್ಯ ಪೆರ್ಸಾದಿದ ಕೆರೆಕಾಡ್ ಜಂಕ್ಷನ್ ದ ಕೈತಲ್ ಮುರಾನಿ ಜುಲೈ 31ತಾನಿ ನಡತ್ದ್ಂಡ್.
ಗಡಿಕುಲಾತಿನಕಲೆನ್ ಕುಂದಾಪುರ ತೆಕ್ಕಟ್ಟೆ ನಿವಾಸಿಲಾಯಿನ ನಿತಿಲ್(25), ಅವಿನಾಶ್(23), ಬಾಲೆ ಮೃತ್ವಿನ್(2) ಪನ್ದ್ ಗುರ್ತ ಪತ್ತ್ದೆರ್. ಕುಡೊಂಜಿ ಕಾರ್ಡಿತ್ತಿನ ಮುಲ್ಕಿ ಮೂಲೊದ ಮೂವೆರೆಗ್ ಕಿಞ್ಞ ಕಿಞ್ಞ ಗಡಿಕುಲಾತ. ಕಟೀಲ್ ದೇಲಂತಡೆಗ್ ಪೋದು ಕುಂದಾಪುರದಂಚಿ ಪಿದಡ್ದಿತ್ತಿನ ಕಾರ್ ಕಿನ್ನಿಗೋಳಿ ರಾಜ್ಯ ಪೆರ್ಸಾದಿಡ್ ಕೆರೆಕಾಡ್ ಎತ್ತೊಂದಿತ್ತಿಲೆಕನೆ ಮುಲ್ಕಿ ದಂಚಿರ್ದ್ ಬಾರೀ ಬರಸ್ಡ್ ಬತ್ತಿನ ಕಾರ್ ಗುಂಡಿ ತಪ್ಪಾಯೆರ ಪೋದು ಎದುರುರ್ದ್ ಬರೊಂದಿತ್ತಿನ ಕಾರ್ಗ್ ಎಡ್ತ್ದ್ಂಡ್.
ಎಡ್ತೆದ ಬರಸ್ಗ್ ರಡ್ಡ್ ಕಾರ್ಲಾ ಕಬ್ಬೆ ಬೂರ್ದಿತ್ತ್ದ್, ಕಾರ್ಡ್ ತಿಕ್ದ್ ಪಾಡೊಂದಿನಕಲೆನ್ ಅಲ್ಪದಕುಲು ಕಿನ್ನಿಗೋಳಿ ಆಸ್ಪತ್ರೆಗ್ ದಾಕಲ್ತ್ದೆರ್. ಜೂವೊಗು ದಾಲ ಪಡಾಯಿ ಇಜ್ಜಿ ಪನ್ದ್ ತೆರಿದ್ ಬೈದ್ಂಡ್. ಎಡ್ತೆರ್ದಾವರ ಕಾರ್ಲ್ ಞಕ್ಕೆ ಆತ. ಜಾಗೆಗ್ ಬಡಕಾಯಿ ಕುಡ್ಲ ಟ್ರಾಫಿಕ್ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ದೆರ್.