Last updated on August 2nd, 2025 at 01:25 pm
ಉಬಾರ್, ಆ. 2: ಉಬಾರ್ದ 34ನೇ ನೆಕ್ಕಿಲಾಡಿಡ್ ಬಾಡಾಯಿದಿಲ್ಲಡ್ ಇತ್ತಿನ ಹಾವೇರಿ ಮೂಲೊದ ಪೊಂಜೊವು ಒರ್ತಿ ನಾಪತ್ತೆ ಆತಿನ ಬಗೆಟ್ ಉಬಾರ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಹಾವೇರಿ ಜಿಲ್ಲೆದ ಹಾನಗಲ್ ತಾಲೂಕ್ದ ಸಂಕ್ರಿಕೊಪ್ಪದ ಭೀಮಪ್ಪೆ ಪನ್ಪಿನಾರೆನ ಬೊಡೆದಿ ರೇಷ್ಮಾ ಮಲಲಿ ಭಜಂತ್ರಿ (26) ತೋಜಂದೆ ಆತಿನಾರ್.
ಭೀಮಪ್ಪೆ-ರೇಷ್ಮಾ ದಂಪತಿ ನೆಕ್ಕಿಲಾಡಿದ ಇಮ್ತಿಯಾಜ್ ಪನ್ಪಿನಾರೆನ ಬಾಡಾಯಿದ ಇಲ್ಲಡ್ ಇತ್ತೆರ್. ಭೀಮಪ್ಪೆರ್ ಜುಲೈ 26 ತಾನಿ ನಾಗೆರೆ ಪಂಚೆಮಿ ಪರ್ಬ ಕರಿಪೆರೆ ಹಾವೇರಿಗ್ ಪೋದಿತ್ತೆರ್.
ಜುಲೈ 30 ದಾನಿ ಆರ್ ಪಿರ ಬತ್ತ್ ತೂನಗ ಬೊಡೆದಿ ಒಲ್ಪಲಾ ತೋಜೊಂದಿಜ್ಜಂಡ್. ಅಂಚೆನೇ ಓಲ್ಲಾ ತೋಜುಜಲ್, ನಾಪತ್ತೆ ಆತಲ್ ಪನ್ದ್ ಉಬಾರ್ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್. ಪ್ರಕರಣ ದಾಕಲ್ತೊಂದಿನ ಪೊಲೀಸೆರ್ ಜಡ್ತೆ ಮಲ್ತೊಂದುಲ್ಲೆರ್.