Last updated on September 18th, 2025 at 12:19 pm
ಪುತ್ತೂರು: ಪುರ್ಸೆರೆಕಟ್ಟೆದ ಮೊಬೈಲ್ ಟವರ್ ಒಂಜೆಗ್ ಪಾಡ್ದಿತ್ತಿನ 22 ಬ್ಯಾಟರಿಲೆನ್ ಕನ್ಡಿನ ನಡಕೆಗ್ ಸಂಬಂಧಿತ್ದ್ ಕೇರಳ ಮೂಲೊದ ಆರೋಪಿನ್ ಪುತ್ತೂರು ಪೊಲೀಸೆರ್ ಕೈದ್ ಮಲ್ತ್ದೆರ್.
ಕೇರಳ ಮೂಲೊದ ಆರೋಪಿ ಇಟ್ಟಿ ಫನಿಕ್ಕರ್ ಪನ್ಪಿನಾಯನ್ ಪೊಲೀಸೆರ್ ಪುತ್ತೂರು ಸ್ವಾಗತ್ ಹೊಟೇಲ್ದ ಕೈತಲ್ ಪತ್ತ್ದೆರ್. ಸೆ.13ತಾನಿ ಮೊಬೈಲ್ ಟವರ್ ಟಕ್ನಿಷಿಯನ್ ಗೋಪಿನಾಥ್ ಪರಿಶೀಲನೆ ಮಲ್ಪುನಗ ಟವರ್ಗ್ ಪಾಡ್ದಿನ ಬ್ಯಾಟರಿಲು ಕನ್ಡ್ದ್ ಪೋತಿನ ತೆರಿದ್ ಬೈದ್ಂಡ್. ಟವರ್ ಶೆಲ್ಟರ್ದ ಬೀಗ ಪೊಲ್ತ್ದ್ ಉಲಯಿ ಪೊಗ್ಗುದ್ 22 ಬ್ಯಾಟರಿಲೆನ್ ಲಕ್ಕಾದಿತ್ತೆರ್. ಈ ಬಗೆಟ್ ಮೊಬೈಲ್ ಟವರ್ ಸಂಸ್ಥೆದ ಸೆಕ್ಯೂರಿಟಿ ಸೂಪರ್ವೈಸರ್ ದಿನೇಶ್ ಕೆ ಮೇರ್ ಪುತ್ತೂರು ನಗರ ಪೊಲೀಸೆರೆಡ ಒಯಿಲ್ ಬರೆಪಾದಿತ್ತೆರ್. ಪ್ರಕರಣ ದಾಕಲ್ತೊಂದಿನ ಪೊಲೀಸೆರ್ ಜಡ್ತೆ ಮಲ್ತ್ದ್ ಆರೋಪಿನ್ ಪತ್ತ್ದೆರ್
ಆರೋಪಿ ಮೊಬೈಲ್ ಟವರ್ರ್ದ್ ಒಂಜೇ ಸರ್ತಿ ಆತ್ ಬ್ಯಾಟರಿಲೆನ್ ಕನ್ಡನ್ದೇ ಮೂಜಿ ಸರ್ತಿ ಪೋದು ಬತ್ತ್ದ್ ಕನ್ಡ್ದೆ. ಒರಕ್ ಒಂತೆ ಬ್ಯಾಟರಿಲೆನ್ ಲಕ್ಕಾದ್ ಅವೆನ್ ಪುತ್ತೂರ್ಗ್ ಪೋಪುನ ಸರ್ವಿಸ್ ರಿಕ್ಷಾಡೇ ಕೊನೊಪೆದೆ. ಇಂಚ ಮೂಜಿ ಸರ್ತಿ ಬ್ಯಾಟರಿ ಯಶಸ್ವಿಯಾದ್ ಬ್ಯಾಟರಿ ಕೊನೊತಿನ ಆರೋಪಿ ಸಿಸಿ ಕ್ಯಾಮರಾ ಆಧಾರೊಡು ಪೊಲೀಸೆರೆ ಬೇಪುಗು ಬೂರ್ದೆ. ಕನ್ಡ್ದ್ ಪೋತಿನ ಬ್ಯಾಟರಿಲೆಡ್ 8 ಬ್ಯಾಟರಿಲೆನ್ ಪೊಲೀಸೆರ್ ಆರೋಪಿನ ಕೈರ್ದ್ ವಶೊಕು ಗೆತೊಂದೆರ್. ಆರೋಪಿನ್ ನ್ಯಾಯಂತಡೆದ ಎದುರು ಲೆತೊಂದು ಪೋದಿತ್ತ್ದ್, ನ್ಯಾಯಂತಡೆ ಆರೋಪಿಗ್ ನ್ಯಾಯಾಂಗ ಕೈದ್ ಕೊರ್ತುಂಡು.