Last updated on September 27th, 2025 at 02:31 pm
ಬಜ್ಪೆ, ಸೆ. 27: ಸಾದಿಬರಿತ ಪಲವೆನ್ ಓದೊಂದು ಬತ್ತಿನ ಕಾರ್ ಡ್ರೈವರ್ ಒರಿ ಪ್ರೈವೇಟ್ ಬಸ್ಗ್ ಬರಿರ್ದ್ ಎಡ್ತ್ದಿನ ನಡಕೆ ಇನಿ ಕಾಂಡೆ ಸುಮಾರ್ 10 ಗಂಟೆದ ಅಂದಾಜಿಗ್ ಪೆರಾರ ದ್ವಾರದ ಕೈತಲ್ ನಡತ್ದ್ಂಡ್.
ಲೈನ್ದ ಶ್ರೀ ಗಣೇಶ್ ಬಸ್ ಬಜ್ಪೆರ್ದ್ ಕುಡ್ಲ ಪೋವೊಂದುಪ್ಪುನಗ, ಎದುರುರ್ದ್ ಬತ್ತಿನ ಕಾರ್ ಬಸ್ದ ಬಲತ ಮೆಯಿಕ್ ಎಡ್ತ್ದ್ಂಡ್. ಎಡ್ತೆದ ಬರಸ್ಗ್ ಕಾರ್ದ ಎದುರು ಮೆಯಿ ಞಕ್ಕೆ ಆತ್ಂಡ್. ದೇಬೆರೆ ದಯೆಟ್ ಈ ನಡಕೆಡ್ ಏರೆಗ್ಲಾ ಪೆಟ್ಟಾತಿಜಿ.
ಕಾರ್ ಕುಡ್ಲರ್ದ್ ಕಟೀಲ್ದಂಚಿ ಪೋವೊಂದಿತ್ತ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಓಡೆ ಎತ್ತ್ಂಡ್ ಪನ್ದ್ ತೆರಿಯೆರೆ ಪಲವೆ ಓದುನಗ ಕಾರ್ದ ಅಂಕೆ ತತ್ತ್ದ್ ಬಸ್ಗ್ ಎಡ್ತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಜಾಗೆಗ್ ಬಜ್ಪೆ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.