Last updated on September 3rd, 2025 at 09:27 am
ಕುಡ್ಲ, ಸೆ. 3: ಪೇಂಟೆದ ಕಾಟಿಪಳ್ಳ ಗ್ರಾಮೊದ ಗಣೇಶಕಟ್ಟೆ ನಿವಾಸಿ ಪ್ರಜ್ಞಾ (18) ಪನ್ಪಿನಾರ್ ಸೈಂಟ್ ಅಲೋಶಿಯಸ್ ಕಾಲೇಜ್ಡ್ ಫಸ್ಟ್ ಇಯರ್ ಬಿ.ಸಿ.ಎ ಕಲ್ತೊಂದಿತ್ತ್ದ್, ಸೆಪ್ಟೆಂಬರ್ 1 ತಾನಿ ಕಾಲೇಜ್ ಯೂನಿಫಾರ್ಮ್ ಪಾಡೊಂದು ಕಾಲೇಜ್ಗ್ ಪೋದು ಬರ್ಪೆ ಪನ್ದ್ ಅಪ್ಪೆಡ ಪನ್ಡ್ದ್ ಪೋತಿನಾರ್ ಇಲ್ಲಗ್ ಪಿರ ಬರಂದೆ, ತೋಜಂದೆ ಆತಿನೆತ ಬಗೆಟ್ ತೊರ್ತಲ್ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.
ಕಾಣೆ ಆತಿನಾರೆನ ಪೊಲಬು:- ಎತ್ತರ ಸುಮಾರ್ 5.3 ಫೀಟ್, ಸಾಧಾರಣ ಮೆಯಿಕಟ್ಟ್, ಉದ್ದ ಮೋನೆ, ಗೋಧಿ ಮೈಬಣ್ಣ, ಕಪ್ಪು ಕುಜಲ್ ಉಂಡು. ತುಳು, ಇಂಗ್ಲೀಷ್, ಕನ್ನಡ ಭಾಷೆ ಪಾತೆರುವೆರ್. ಕಾಣೆ ಆತಿನಾನಿ ನೀಲಿ ರಂಗ್ದ ಅರ್ಧ ಕೈತ ಕಾಲೇಜ್ ಯೂನಿಫಾರ್ಮ್ ಶರ್ಟ್ ಬೊಕ್ಕ ಕಪ್ಪು ರಂಗ್ದ ಕಾಲೇಜ್ ಯೂನಿಫಾರ್ಮ್ದ ಪ್ಯಾಂಟ್ ಪಾಡ್ದಿತ್ತೆರ್. ಕಾಣೆ ಆತಿನಾರೆನ ಬಗೆಟ್ ದಾಲ ಒಲವು ತಿಕ್ಕ್ಂಡ ತೊರ್ತಲ್ ಪೊಲೀಸ್ ಸ್ಟೇಶನ್ಗ್ ತೆರಿಪಾಯೆರ ಠಾಣಾಧಿಕಾರಿ ಪ್ರಕಟಣೆಡ್ ತೆರಿಪಾದೆರ್.