Last updated on September 12th, 2025 at 08:37 am
ಒಡಿಪು, ಸೆ 12: ಲಾರಿಡ್ ಕೊನೊವೊಂದಿತ್ತಿನ 65 ಕೆ.ಜಿ. ಗಾಂಜಾನ್ ಒಡಿಪುದ ಕಿನ್ನಿಮುಲ್ಕಿ ರಾಷ್ಟ್ರೀಯ ಪೆರ್ಸಾದಿಡ್ ಸೆನ್ ಕ್ರೈಂ ಸ್ಟೇಶನ್ದ ಪೊಲೀಸೆರ್ ಗುರುವಾರ ವಶೊಕು ಗೆತೊಂದೆರ್. ಹುಣಸೂರುದ ಗಣೇಶೆ(38), ಆಂಧ್ರದ ಅನಂತಪುರಂನ ಪಿ. ಗೋಪಾಲ ರೆಡ್ಡಿ(43) ಪನ್ಪಿನಕ್ಲೆನ್ ಕೈದ್ ಮಲ್ತ್ದೆರ್.
ಕುಡ್ಲರ್ದ್ ಒಡಿಪುಗು ಬರೊಂದಿತ್ತಿನ ಲಾರಿನ್ ಪತ್ತ ಒಲವು ಇತ್ತ್ದ್ ಪರಿಶೀಲಿಪುನಗ ಗಾಂಜಾ ತಿಕ್ಕ್ದ್ಂಡ್ ಪನ್ದ್ ಪೊಲೀಸೆರ್ ತೆರಿಪಾದೆರ್. ಜಾಗೆಡ್ ಪೊಲೀಸ್ ಅಧಿಕಾರಿಲು ಪರಿಶೀಲನೆ ಮಲ್ತ್ದೆರ್.
65 ಕೆಜಿ 39 ಗ್ರಾಂ ಗಾಂಜಾ( ಅಂದಾಜಿ ಮೌಲ್ಯ ರೂ. 32 ರ್ದ್ 50 ಲಕ್ಷ ರೂ.), ಗೂಡ್ಸ್ ಲಾರಿ, 2 ಮೊಬೈಲ್ ಪೋನ್ಲು, 1520 ರೂ. ಕ್ಯಾಶ್ ಬೊಕ್ಕ ಬೇತೆ ಸೊತ್ತುಲೆನ್ ವಶೊಕು ಗೆತೊಂದು ಮಲ್ಪೆ ಪೊಲೀಸ್ ಸ್ಟೇಷನ್ಡ್ NDPS Act 1985 ದ ಪ್ರಕಾರ ಪ್ರಕರಣ ದಾಕಲ್ತೊಂದೆರ್.
ಸ್ವಾಧೀನ ಮಲ್ತೊಂದಿನ ಸೊತ್ತುಲೆನ ಅಂದಾಜಿ ಮೌಲ್ಯ 72 ಲಕ್ಷದ 21 ಸಾವಿರದ 520 ರೂ. ಪನ್ದ್ ಪೊಲೀಸೆರ್ ತೆರಿಪಾದೆರ್.