Last updated on September 25th, 2025 at 12:36 pm
ಒಡಿಪು, ಸೆ. 24: ಸಿದ್ದಾಪುರೊದ ಅಮಾಸೆಬೈಲ್-ಹಾಲಾಡಿ ಸಾದಿದ ಅರಣ್ಯ ಇಲಾಖೆ ಕಚೇರಿದ ಕೈತಲ್ ಡ್ರೈವರ್ ವಾಸೀಂ ಬಾರೀ ಬರಸ್ಡ್ ಬುಡೊಂದು ಬತ್ತಿನ ಓಮ್ನಿ ಕಾರ್ ಸೈಕಲ್ಗ್ ಎಡ್ತಿನೆರ್ದಾವರ ಸೈಕಲ್ ಬುಡೊಂದಿತ್ತಿನಾರೆಗ್ ಗಾತಿದ ಗಡಿಕುಲಾತ.
ಎಡ್ತೆಡ್ ಗಾತಿದ ಗಡಿಕುಲಾತಿನಾರೆನ್ ಮಹಾಬಲ ಪೂಜಾರಿ (55) ಪನ್ದ್ ಗುರ್ತ ಪತ್ತ್ದೆರ್, ಆರೆನ್ ಸುರುಕು ಹಾಲಾಡಿದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದ್, ಬೊಕ್ಕ ಎಚ್ಚಿನ ಮರ್ದ್ಗ್ ಮಣಿಪಾಲ ಆಸ್ಪತ್ರೆಗ್ ದಾಕಲ್ತ್ದೆರ್.
ಆ ಪೊರ್ತುಡು, ಬೇಲೆಗ್ ಪೋವೊಂದಿತ್ತಿನ ಹಾಲಾಡಿದ ಪೊಲೀಸ್ ಸಿಬ್ಬಂದಿ ಶಶಿಧರ್ ಶೆಟ್ಟಿ ಅಪಗನೇ ಪ್ರಥಮ ಚಿಕಿತ್ಸೆ ಮಲ್ತೆರ್. ಮುಟ್ಟದಕುಲು ನಂದನ್, ಅರುಣ್ ಶೆಟ್ಟಿ ಬೊಕ್ಕ ರಾಜೇಶ್ ಮೊಕ್ಲೆನ ಸಕಾಯೊಡು, ಎಚ್ಚಿನ ಮರ್ದ್ಗ್ ಮಣಿಪಾಲಗ್ ಲೆತೊಂದು ಪೋಪುನೆಕ್ ದುಂಬು ಶಶಿಧರ್ ಗಡಿಕುಲಾತಿನಾರೆನ್ ಹಾಲಾಡಿ ಆಸ್ಪತ್ರೆಗ್ ದಾಕಲ್ತ್ದೆರ್.