Last updated on September 30th, 2025 at 11:30 am
ಬೆಂಗಳೂರು, ಸೆ. 29: ಬಿಗ್ ಬಾಸ್ ಸೀಸನ್ 12 ಈ ಸರ್ತಿ ಸುರೂತ ದಿನೊಟೇ ಮಲ್ಲ ಶಾಕ್ ಕೊರ್ತುಂಡು. ಕಡೀರ ದಿನೊನೇ ಎಲಿಮಿನೇಶನ್ ಟಾಸ್ಕ್ ಕೊರ್ನ ಬಿಗ್ ಬಾಸ್ ತುಳುನಾಡ ಪೋಣ್ಣು ರಕ್ಷಿತಾ ಶೆಟ್ಟಿ ನ್ ಎಲಿಮಿನೆಟ್ ಮಲ್ದ್ಂಡ್.
ಯೂಟ್ಯೂಬರ್ ರಕ್ಷಿತಾ ಶೆಟ್ಟಿ (Rakshitha Shetty) ಮೇರೆಗ್ ಗೇಟ್ ಪಾಸ್ ಕೊರ್ತೆರ್. ಉಂದೆರ್ದಾವರ ಮಾತೆರೆಗ್ಲಾ ಶಾಕ್ ಆತ್ಂಡ್. ಸುರೂತ ದಿನೊನೇ ಬಿಗ್ ಬಾಸ್ ಎಲಿಮಿನೇಷನ್ ನಡಪುಂಡು ಪನ್ದ್ ಏರ್ಲಾ ಎನ್ನ್ದಿಜ್ದಂಡ್. 6 ಸ್ಪರ್ಧಿಲು ಒಂಟಿ ಆದ್, 5 ಸ್ಪರ್ಧಿಲು ಜಂಟಿ ಆದ್ ಅಂಚೆನೇ 3 ಸ್ಪರ್ಧಿಲು ಅತಂತ್ರೆರಾದ್ ಬಿಗ್ ಬಾಸ್ ಇಲ್ಲಗ್ ಬತ್ತಿತ್ತೆರ್. ರಕ್ಷಿತಾ ಶೆಟ್ಟಿ, ಮಾಳು ನಿಪನಾಳ, ಸ್ಪಂದನಾ ಮೊಕುಲು ಅತಂತ್ರ ಸ್ಥಿತಿಟ್ ಇತ್ತೆರ್. ಆ ಮೂವೆರೆಡ್ ಇರ್ವೆರೆನ್ ಒರಿತೊಂದು, ಒರ್ಯನ್ ಪಿದಯಿ ಕಡಪುಡೊಡು ಪನ್ಪಿ ಪರಿಸ್ಥಿತಿ ಉಂಡಾದಿತ್ತ್ಂಡ್. ಈ ನಿರ್ಧಾರೊನು ಗೆತೊನುನ ಅಧಿಕಾರೊನು 6 ಒಂಟಿಲೆಗ್ ಕೊರ್ದಿತ್ತೆರ್.
ಆಜಿ ಒಂಟಿಲೆನ ಎದುರು ಉಂತುದು ರಕ್ಷಿತಾ ಶೆಟ್ಟಿ, ಮಾಳು ನಿಪನಾಳ ಬೊಕ್ಕ ಸ್ಪಂದನಾ ಮೊಕುಲು ತನ್ಕೀಲೆ ಸಾಮರ್ತಿಗೆದ ಬಗೆಟ್ ಪನ್ಡೊನರೆ ತೂಯೆರ್. ರಕ್ಷಿತಾ ಶೆಟ್ಟಿ, ಇನಿ ನಿಕಲೆಗ್ ಎಂಚ ತೆರಿಪಾವುನು ಗೊತ್ತುಜ್ಜಿ. ಇತ್ತೆ ಎಂಕ್ ಅವಕಾಶ ತಿಕ್ಕ್ದ್ಂಡ್. ತುಳುನಾಡ್ಡ್ ಯಾನ್ ಒಂತೆ ಜನಕ್ ಗೊತ್ತುಂಡು. ಬಿಗ್ ಬಾಸ್ ಅವಕಾಶ ತಿಕ್ಕ್ಂಡ ಎಚ್ಚಿನ ಜನಕ್ ಕನೆಕ್ಟ್ ಆವೊಲಿ. ಬುಲೆತಿನ ತುಳು ವಾತಾವರಣೊಡು ಅಂಚೆನೇ ಮುಂಬೈಡ್. ಮುಲ್ಪ ಇತ್ತ್ಂಡ ಕನ್ನಡ ಕಲ್ಪೆ’ ಪನ್ದ್ ಪನ್ಡೆರ್.
ಮಾಳು ಬೊಕ್ಕ ಸ್ಪಂದನಾ ಇಪ್ಪೊಡು. ರಕ್ಷಿತಾ ಶೆಟ್ಟಿ ಸೋಶಿಯಲ್ ಮೀಡಿಯಾಡ್ ತಪ್ಪು ತಪ್ಪು ಕನ್ನಡ ಪಾತೆರ್ದ್ ಫೇಮಸ್ ಆತಲ್. ಆಲೆಗ್ ಬೇತೆ ಬೇಲೆ ಉಂಡು’ ಪನ್ಪಿ ಅಭಿಪ್ರಾಯ ಒಂಟಿ ನಕ್ಲೆರ್ದ್ ಕೇನ್ದ್ ಬತ್ತ್ಂಡ್. ಕಡೆಕ್ ಅಶ್ವಿನಿ ಗೌಡ ಮೇರ್ ಮಾತೆರೆನ ಪರವಾದ್ ನಿರ್ಧಾರ ಘೋಷಣೆ ಮಲ್ತೆರ್. ಮಾಳು ನಿಪನಾಳ ಬೊಕ್ಕ ಸ್ಪಂದನಾನ್ ಒರಿತೊಂದು ರಕ್ಷಿತಾ ಶೆಟ್ಟಿಗ್ ಗೇಪ್ ಪಾಸ್ ಕೊರ್ಯೆರ್. ಎಚ್ಚ ದಾಲ ಎಮೋಷನಲ್ ಆವಂದೇ ರಕ್ಷಿತಾ ಶೆಟ್ಟಿ ಮೈನ್ಡೋರ್ಡ್ ಪಿದಯಿ ಬತ್ತೆರ್.