Last updated on September 27th, 2025 at 05:55 am
ಕುಡ್ಲ, ಸೆ. 26: ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರೊದ ಶ್ರೀ ಕಾಲಭೈರವ ದೇಬೆರೆಗ್ ಕುದ್ರೋಳಿ ಕ್ಷೇತ್ರೊದ ತಾಪಕ ಅಧ್ಯಕ್ಷೆರಾಯಿನ ಸಾವ್ಕಾರ್ ಕೊರಗಪ್ಪೆರೆನ ಮಗೆ ದಿ. ಸೋಮಸುಂದರಂ ಇಲ್ಲದಕುಲು ಸುಮಾರ್ 9 ಲಕ್ಷ ರೂಪಾಯಿ ಕರ್ಚಿಡ್ 6 ಕೆ.ಜಿ. ತೂಕೊದ ಬೊಳ್ಳಿದ ಪ್ರಭಾವಳಿನ್ ಶುಕ್ರವಾರ ಸಮರ್ಪಣೆ ಮಲ್ತ್ದೆರ್.
ದಿ.ಸೋಮಸುಂದರಂ ಮೇರ್ ಸುಮಾರ್ 34 ವರ್ಸ ಕ್ಷೇತ್ರೊಡು ಅಧ್ಯಕ್ಷೆರಾದ್ ಬೆನ್ದ್ದಿತ್ತೆರ್. ಇತ್ತೆ ಆರೆನ ಎಲ್ಯ ಮಗೆ ಜೈರಾಜ್ ಎಚ್.ಸೋಮಸುಂದರಂ ಅಧ್ಯಕ್ಷೆರಾದುಲ್ಲೆರ್.
ಕ್ಷೇತ್ರೊದ ಅಧ್ಯಕ್ಷೆ ಜೈರಾಜ್ ಎಚ್.ಸೋಮಸುಂದರಂ, ಕಾರ್ಯದರ್ಶಿ ಮಾಧವ ಸುವರ್ಣ, ಕೋಶಾಧಿಕಾರಿ ಪದ್ಮರಾಜ್ ಆರ್.ಪೂಜಾರಿ, ಟ್ರಸ್ಟಿಲಾಯಿನ ಸಂತೋಷ್ ಜೆ.ಪೂಜಾರಿ, ಕಿಶೋರ್ ದಂಡೆಕೇರಿ, ಅಭಿವೃದ್ಧಿ ಸಮಿತಿ ಅಧ್ಯಕ್ಷೆ ದೇವೇಂದ್ರ ಪೂಜಾರಿ, ಉಪಾಧ್ಯಕ್ಷೆ ಬಿ.ಜಿ.ಸುವರ್ಣೆರ್, ಸದಸ್ಯೆರಾಯಿನ ಗೌರವಿ ರಾಜಶೆರಖರ್, ಲತೀಶ್ ಸುವರ್ಣ, ಭಕ್ತೆರ್ ಪಾಲ್ಪಡೆದಿತ್ತೆರ್.