Last updated on September 29th, 2025 at 12:29 pm
ಶಿರಾಡಿ, ಸೆ. 29: ರಡ್ಡ್ ಕೆಎಸ್ಆರ್ಟಿಸಿ ಬಸ್ಲ್ ಒಂಜೆಕೊಂಜಿ ಎಡ್ತಿನೆರ್ದಾವರ 16 ಜನ ಪ್ರಯಾಣಿಕೆರೆಗ್ ಗಡಿಕುಲಾತಿನ ನಡಕೆ ಕುಡ್ಲ-ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿ 75 ಟ್, ಶಿರಾಡಿದ ಕೈತಲ್ ಕೋಡೆ, ಐತಾರ ಬಯ್ಯಡ್ ನಡತ್ದ್ಂಡ್.
ಶಿರಾಡಿ ಗ್ರಾಮೊದ ಗುಂಡ್ಯದ ಕೈತಲ್ ಈ ನಡಕೆ ನಡತಿತ್ತ್ದ್, ಬೆಂಗಳೂರುರ್ದ್ ಕುಡುಮಗ್ ಬರೊಂದಿತ್ತಿನ ಕೆಎಸ್ಆರ್ಟಿಸಿ ಬಸ್ ಬೊಕ್ಕ ಕುಡ್ಲರ್ದ್ ಬೆಂಗಳೂರುಗ್ ಪೋವೊಂದಿತ್ತಿನ ರಾಜಹಂಸ ಬಸ್ಲೆನ ನಡುಟು ಎಡ್ತೆ ಆತ್ಂಡ್. ಈ ಎಡ್ತೆರ್ದಾವರ ಸುಮಾರ್ ಮೂಜಿ ಗಂಟೆದಾತ್ ಪೊರ್ತು ಟ್ರಾಫಿಕ್ ಜಾಮ್ ಉಂಡಾದಿತ್ತ್ಂಡ್.
ಕುಡುಮಗ್ ಬರೊಂದಿತ್ತಿನ ಬಸ್ಡಿತ್ತಿನ 9 ಜನ ಪ್ರಯಾಣಿಕೆರೆಗ್ ಗಾತಿದ ಗಡಿಕುಲಾದಿತ್ತ್ದ್, ಅಕಲೆನ್ ಆಸ್ಪತ್ರೆಗ್ ದಾಕಲ್ತ್ದೆರ್. ರಾಜಹಂಸ ಬಸ್ಡಿತ್ತಿನ ಏಳ್ ಜನ ಪ್ರಯಾಣಿಕೆರೆಗ್ ಕಿಞ್ಞ ಕಿಞ್ಞ ಗಡಿಕುಲಾದಿತ್ತ್ದ್, ಮಾತೆರ್ಲಾ ಪ್ರಾಣಾಪಾಯೊರ್ದು ಬಚಾವಾತೆರ್.
ನೆಲ್ಯಾಡಿ ಔಟ್ಸ್ಟೇಶನ್ ಪೊಲೀಸೆರ್ ಅಪಗನೇ ಅಡೆಗ್ ಬತ್ತ್ದ್, ಟ್ರಾಫಿಕ್ ಕ್ಲಿಯರ್ ಮಲ್ತ್ ಕೊರ್ತೆರ್.