Last updated on October 18th, 2025 at 12:27 pm
ಅ. 18: ಅಪ್ಘಾನಿಸ್ತಾನ ಬೊಕ್ಕ ಪಾಕಿಸ್ತಾನೊದ ನಡುಟು ಕೊಲಲ ದುಂಬರಿದಿತ್ತ್ದ್, 48 ಗಂಟೆಲೆನ ಸೀಸ್ಫೈರ್ದ ಬೆರಿಟೇ ಪಾಕಿಸ್ತಾನ ಅಪ್ಘಾನಿಸ್ತಾನೊದ ಮಿತ್ತ್ ಏರ್ ಸ್ಟ್ರೈಕ್ ಮಲ್ತಿತ್ತ್ದ್ ಉಂದೆಟ್ ಅಫ್ಗಾನಿಸ್ತಾನೊದ ಮೂವೆರ್ ಕ್ರಿಕೆಟರ್ಸ್ ತೀರ್ದೆರ್.
ಈ ಬಗೆಟ್ ಅಫ್ಗಾನಿಸ್ತಾನೊದ ಕ್ರಿಕೆಟ್ ಮಂಡಳಿ ಸಾಮಾಜಿಕ ಬಲೆತ್ತಾನ ಎಕ್ಸ್ಡ್ ಅಲ್ಪದ ಕ್ರಿಕೆಟರ್ಸ್ ತೀರ್ದಿನೆನ್ ದೃಢ ಮಲ್ತ್ದ್ ಸಂತಾಪ ತೂಪಾದ್ಂಡ್. ಸೌಹಾರ್ದ ಗೊಬ್ಬುಡು ಪಾಲ್ಪಡೆಯೆರ ಅಫ್ಗನ್ ಕ್ಲಬ್ ಮಟ್ಟೊದ ಜವನ ಗೊಬ್ಬುಗಾರೆರ್ ಪಾಕಿಸ್ತಾನ ಗಡಿಟ್ ಇಪ್ಪುನ ಮೂಡಾಯಿ ಪಕ್ತಿಕಾ ಪ್ರಾಂತ್ಯೊದ ಉರ್ಗುನ್ರ್ದ್ ಶರಾನಾಗ್ ಪೋದಿತ್ತೆರ್. ಈ ಪೊರ್ತುಡು ದಾಳಿ ಆದಿತ್ತ್ದ್, ಉಂದೆರ್ದಾವರ ಮೂವೆರ್ ಗೊಬ್ಬುಗಾರೆರ್ ಅಂಚೆನೇ ಐವೆರುಯ್ ನಾಗರಿಕೆರ್ ತೀರ್ದಿತ್ತ್ದ್, ಪಾಕ ಜನಕ್ ಗಡಿಕುಲಾತ ಪನ್ದ್ ವರದಿ ಆತ್ಂಡ್.
ಪಾಕ್ ದಾಳಿಗ್ ತೀರ್ದಿನ ಕ್ರಿಕೆಟರ್ಸ್ನ್ ಕಬೀರ್, ಸಿಬ್ಘತುಲ್ಲಾ ಬೊಕ್ಕ ಹರೂನ್ ಪನ್ದ್ ಗುರ್ತ ಪತ್ತ್ದೆರ್. ಈ ದಾಳಿದ ವಿರುದ್ಧ ಅಫ್ಗಾನಿಸ್ತಾನ ಕ್ರಿಕೆಟರೊಸೊ ಸೊರ ದೇರ್ತಿತ್ತ್ದ್, ತನ್ಕುಲೆ ಸೋಷಿಯಲ್ ಮೀಡಿಯಾ ಅಕೌಂಟ್ಲೆಡ್ ಆಕ್ರೋಶ ತೂಪಾದೆರ್. ಕ್ರಿಕೆಟರ್ ರಶೀದ್ ಖಾನ್ಲಾ ಪಾಕ್ ದಾಳಿನ್ ಖಂಡಿತ್ದೆರ್. ನಾಗರಿಕೆರೆ ಮಿತ್ತ್ ದಾಳಿ ಮಲ್ಪುನು ಸಮ ಅತ್ತ್ ಪನ್ದ್ ಸಾಮಾಜಿಕ ಬಲೆತ್ತಾನೊಡು ಪಾಕ್ ವಿರುದ್ಧ ಪಾಕ ಜನ ಬರೆದ್ ಪಾಡ್ದೆರ್.