Last updated on October 20th, 2025 at 05:21 pm
ಕುಡ್ಲ, ಅ. 19 : ಪೊಣ್ಣುಲು ಕುಂಟು ಮಾಪುನ ವೀಡಿಯೋ ಮಲ್ತ್ದ್ ಬ್ಲ್ಯಾಕ್ ಮೇಲ್ ಮಲ್ದಿನ ಆರೋಪಡ್ ಜವನ್ದಿ ಒರ್ತಿನ್ ಕುಡ್ಲ ಪೊಲೀಸೆರ್ ಕೈದ್ ಮಲ್ತ್ದೆರ್. ಚಿಕ್ಕಮಗಳೂರು ಮೂಲೊದ, ಕುಡ್ಲದ ಕಂಕನಾಡಿಡ್ ಬಾಡಾಯಿದ ಇಲ್ಲಡ್ ಇತ್ತಿನ ನಿರೀಕ್ಷಾ ಪನ್ಪಿನಾಲ್ ಕೈದಾತಿನ ಆರೋಪಿ. ಇಂಚಿಪ ನಿಟ್ಟೆದ ಅಭಿಷೇಕ್ ಆಚಾರ್ಯ ಆತ್ಮಹತ್ಯೆ ಪ್ರಕರಣೊಡ್ಲಾ ನಿರೀಕ್ಷಾನ ಮಿತ್ತ್ ಹನಿ ಟ್ರ್ಯಾಪ್ ಆರೋಪ ಕೇನ್ದ್ ಬೈದಿತ್ತ್ಂಡ್.
ಕದ್ರಿ ಪೊಲೀಸ್ ಸ್ಟೇಶನ್ಡ್ ದಾಕಲಾತಿನ ಪ್ರಕರಣೊದ ಆಧಾರೊಡು ನಿರೀಕ್ಷಾನ್ ಐತಾರ (ಅ.19) ಕೈದ್ ಮಲ್ದಿನ ಪೊಲೀಸೆರ್ ನ್ಯಾಯಾಧೀಶೆರೆ ಎದುರು ಲೆತೊಂದು ಪೋತೆರ್. ನ್ಯಾಯಾಧೀಶೆರ್ 14 ದಿನೊತ ನ್ಯಾಯಾಂಗ ಕೈದ್ ಕೊರ್ತೆರ್. ಇಂಚಿಪ ಬೊಳ್ಮಣ್ಡ್ ಆತ್ಮಹತ್ಯೆ ಮಲ್ತೊಂದಿನ ಅಭಿಷೇಕ್ ಆಚಾರ್ಯನ ಡೆತ್ ನೋಟ್ ಡ್ಲಾ ನಿರೀಕ್ಷಾ ಬೊಕ್ಕ ಬೇತೆ ಜನೊಕ್ಲೆನ ಪುದರ್ ಇತ್ತ್ಂಡ್. ಅವೆತ ಬೆರಿಟೇ ನಿರೀಕ್ಷಾನ್ ಕೈದ್ ಮಲ್ಪೆರ ಸಾಮಾಜಿಕ ಬಲೆತ್ತಾನೊಡು ಕಾಯೆಸ್ ಜೋರಾದಿತ್ತ್ಂಡ್.