Last updated on October 6th, 2025 at 09:31 am
ಬಂಟ್ವಾಳ, ಅ. 06: ರಾಷ್ಟ್ರೀಯ ಪೆರ್ಸಾದಿದ ಬರಿಟ್ ನಡತೊಂದು ಪೋವೊಂದಿತ್ತಿನ ಪೊಂಜೊವು ಒರ್ತಿನ ಕೆಕ್ಕಿಲ್ರ್ದ್ ಲಕ್ಷಗಟ್ಲೆ ರೂ. ಮೌಲ್ಯೊದ ಬಂಗಾರ್ದ ಮಾಲೆನ್ ಬೈಕ್ ಬತ್ತಿನಾಯೆ ಒರಿ ಒಯ್ತೊಂದು ಪದ್ರಾಡಾತಿನ ನಡಕೆ ದಾಸಕೋಡಿ ಪನ್ಪಿನಲ್ಪ ಅಕ್ಟೋಬರ್ 4ತ ಬಯ್ಯಡ್ ನಡತ್ದ್ಂಡ್.
ಬಾಳ್ತಿಲ ಗ್ರಾಮೊದ ಚೆಂಡೆ ನಿವಾಸಿ ಸರಸ್ವತಿ ಪನ್ಪಿನಾರ್ ಕೆಕ್ಕಿಲ್ಡ್ ಇತ್ತಿನ ಸುಮಾರ್ ರಡ್ಡ್ ಪವನ್ ತೂಕೊದ, ಅಂದಾಜಿ 2 ರೂ. ಲಕ್ಷ ಮೌಲ್ಯೊದ ಬಂಗಾರ್ದ ಮಾಲೆ ಕಲೆವೊಂದೆರ್.
ವರದಿಲೆನ ಪ್ರಕಾರ, ಸರಸ್ವತಿ ಕಲ್ಲಡ್ಕ ಪೇಂಟೆಗ್ ಪೋದು ಬಸ್ಡ್ ಇಲ್ಲಗ್ ಪಿರ ಬರೊಂದಿತ್ತೆರ್. ದಾಸಕೋಡಿ ಪೆಟ್ರೋಲ್ ಪಂಪ್ದ ಬಸ್ ಉಂತಡೆಡ್ ಜತ್ತಿ ಬೊಕ್ಕ, ಆರ್ ಪೆರ್ಸಾದಿಡೆ ತನ್ನ ಇಲ್ಲದಂಚಿ ನಡತೊಂದು ಪೋವೊಂದುಪ್ಪುನಗ, ಆಂಜೊವು ಒರಿ ಬೈಕ್ಡ್ ಪಿರವುರ್ದ್ ಬತ್ತ್ದ್, ಆರೆನ ಕೆಕ್ಕಿಲ್ಡ್ ಇತ್ತಿನ ಮಾಲೆನ್ ಒಯ್ತ್ದ್ ಮಾಣಿ ದಂಚಿ ಪೋತೆ
ಬಂಟ್ವಾಳ ನಗರ ಪೊಲೀಸ್ ಸ್ಟೇಶನ್ಡ್ ಒಯಿಲ್ ಬರೆಪಾದೆರ್.