Last updated on October 30th, 2025 at 10:01 am
ಬೊಲ್ತೇರ್, ಅ. 30: ಕನ್ಯಾಡಿ ಸೇವಾ ಧಾಮೊದ ಕೈತಲ್ ಕಾರ್ ಬೊಕ್ಕ ಬೈಕ್ ನಡುಟು ನಡತಿನ ಎಡ್ತೆಡ್ ಗಾತಿದ ಗಡಿಕುಲಾದಿತ್ತಿನ ಬೈಕ್ ಬುಡೊಂದಿತ್ತಿನಾರ್ ಮರ್ದ್ ಪಲಿಪಂದೆ ಅಸ್ಪತ್ರೆಡ್ ತೀರ್ದಿನ ನಡಕೆ ಅಕ್ಟೋಬರ್ 29ದಾನಿ ನಡತ್ದ್ಂಡ್.
ನಾವೂರು ಗ್ರಾಮೊದ ಹೊಡಿಕ್ಕಾರ್ ಗಂಗಯ್ಯ ಪನ್ಪಿನಾರೆನ ಮಗೆ, ಚಂದ್ರಹಾಸೆ (28) ತೀರ್ದಿನಾರ್ ಪನ್ದ್ ಗುರ್ತ ಪತ್ತ್ದೆರ್. ಚಂದ್ರಹಾಸೆರ್ ಸತೀಶ್ ಪನ್ಪಿನಾರೆನೊಟ್ಟುಗು ಟೈಲ್ಸ್ ಪಾಡುನ ಬೇಲೆ ಮಲ್ತೊಂದಿತ್ತೆರ್. ಅ.29ದಾನಿ ಕಾಂಡೆ ಧರ್ಮಸ್ಥಳ ದಂಚಿ ಬೇಲೆಗ್ ತನ್ನ ಬೈಕ್ಡ್ ಪೋವೊಂದುಪ್ಪುನಗ ಸೇವಾ ಧಾಮೊದ ಕೈತಲ್ ಧರ್ಮಸ್ಥಳ ದಂಚಿರ್ದ್ ಉಜಿರೆ ದಂಚಿ ಪೋವೊಂದಿತ್ತಿನ ಕಾರ್ ಬೊಕ್ಕ ಬೈಕ್ ನಡುಟು ಭೀಕರ ಎಡ್ತೆ ನಡತ್ದ್ಂಡ್.
ಎಡ್ತೆದ ಬರಸ್ಗ್ ಬೈಕ್ರ್ದ್ ಸಾದಿಗ್ ರಟ್ಟಿನ ಚಂದ್ರಹಾಸೆರೆನ ತರೆ ಬೊಕ್ಕ ಕಾರ್ಗ್ ಪೆಟ್ಟ್ ಬೂರ್ದ್ ಗಾತಿದ ಗಡಿಕುಲಾತ, ಅಪಗನೇ ಆರೆನ್ ಉಜಿರೆದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ಮಲ್ತ್ದ್ ಎಚ್ಚಿನ ಮರ್ದ್ಗ್ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್. ಅಲ್ಪ ಆರ್ ಮರ್ದ್ ಪಲಿಪಂದೆ ತೀರ್ದೆರ್.