Last updated on October 25th, 2025 at 08:20 am
ರಾಮಕುಂಜ: ಡಿಪಾರ್ಟ್ಮೆಂಟ್ ಆಫ್ ಅಂಪೈರ್ಮೆಂಟ್ ಆ್ಯಂಡ್ ಸ್ಪೋರ್ಟ್ಸ್ ಬೊಕ್ಕ ಕರ್ನಾಟಕ ಒಲಂಪಿಕ್ ಅಸೋಸಿಯೇಷನ್ ಅಂಚೆನೇ ಕರ್ನಾಟಕ ರಾಜ್ಯ ಅಮೆಚೂರ್ ಕಬಡ್ಡಿ ಅಸೋಸಿಯೇಷನ್ ಉಂದೆತ ಒಟ್ಟುಸೇರಿಗೆಡ್ ಬೆಂಗಳೂರುದ ಕಂಠೀರವ ಕ್ರೀಡಾಂಗಣೊಡು ನವೆಂಬರ್ 3ರ್ದ್ 9 ಮುಟ್ಟ ನಡಪುನ 4ನೇ ಮಿನಿ ಒಲಂಪಿಕ್ ಕಬಡ್ಡಿ ಕೂಟೊಗು ಶ್ರೀರಾಮಕುಂಜೇಶ್ವರ ಕನ್ನಡ ಮಾಧ್ಯಮ ಪ್ರೌಢಶಾಲೆದ ನಾಲ್ ವಿದ್ಯಾರ್ಥಿಲು ಅಜತ್ ಬೈದೆರ್.
ಪೊಣ್ಣುಜೋಕುಲೆನ ವಿಭಾಗೊಡು ಭುವಿ (ಕುಂಟ್ಯಾನ ಮೋನಪ್ಪ ಗೌಡ ಬೊಕ್ಕ ಮೋಹಿನಿ ದಂಪತಿಲೆನ ಮಗಲ್), ಆಣ್ಜೋಕುಲೆನ ವಿಭಾಗೊಡು ದಿಕ್ಷನ್(ನಡುಮನೆ ಆಲಂಗಾರ್ ರಘುಚಂದ್ರ ಬೊಕ್ಕ ಅನುರಾಧ ದಂಪತಿಲೆನ ಮಗೆ), ಪ್ರೀತಮ್ (ನೀರಾರಿ ಬಾಲಕೃಷ್ಣ ಬೊಕ್ಕ ರೋಹಿಣಿ ದಂಪತಿಲೆನ ಮಗೆ), ವಿಶ್ವಾಸ್ ದೇವಾಡಿಗ (ಕಂದ್ಲಾಜೆ ಗಣೇಶ್ ದೇವಾಡಿಗ ಬೊಕ್ಕ ಅಶ್ವಿನಿ ದಂಪತಿಲೆನ ಮಗೆ) ಮೊಕುಲು ರಾಜಮಟ್ಟೊದ ಮಿನಿ ಒಲಂಪಿಕ್ ಟೀಮ್ಗ್ ಅಜತ್ ಬೈದೆರ್.
ಜೋಕುಲೆಗ್ ಮಾಧವ ಬಿ.ಕೆ., ಜಸ್ವಂತ್, ಮಂಜುನಾಥ್ ಬೊಕ್ಕ ಶಾಲೆದ ದೈಹಿಕ ಶಿಕ್ಷಣ ಶಿಕ್ಷಕೆರ್ ಪ್ರಫುಲ್ಲಾ ರೈ ಮೊಕುಲು ತರಬೇತಿ ಕೊರ್ತೆರ್. ಶಾಲೆದ ಮುಖ್ಯ ಗುರುಕುಲಾಯಿನ ಸತೀಶ್ ಭಟ್ ಮಾರ್ಗದರ್ಶನ ಕೊರ್ತೆರ್.