Last updated on October 29th, 2025 at 09:36 am
ಮುಲ್ಕಿ, ಅ. 29: ಹಳೆಯಂಗಡಿ ಇಂದಿರಾನಗರ ರೈಲ್ವೇ ಕ್ರಾಸಿಂಗ್ದಲ್ಪ ಕೋಡೆ, ಅಕ್ಟೋಬರ್ 28 ದ ಕಾಂಡೆ 7:45 ತ ಅಂದಾಜಿಗ್ ರೈಲ್ ಎಡ್ತ್ದ್ ತೀರ್ದಿನ ಸ್ಥಿತಿಟ್ ಆಂಜೊವು ಒರ್ಯನ ಪುನ ತಿಕ್ಕ್ದ್ಂಡ್.
ತೀರ್ದಿನಾರೆನ್ ಕಾರ್ಲ ನಲ್ಲೂರುದ ಪ್ರಭಾಕರ ಶೆಟ್ಟಿ (57) ಪನ್ದ್ ಗುರ್ತ ಪತ್ತ್ದೆರ್.
ಮೇರ್ ಮೂಡುಬೆಳ್ಳೆದ ಪಳ್ಳಿ ದ ಬಾರ್ ಒಂಜೆಟ್ ಬೇಲೆ ಮಲ್ತೊಂದಿತ್ತೆರ್ ಪನ್ದ್ ಇಲ್ಲದಕುಲು ಒಯಿಲ್ಡ್ ಬರೆಪಾದೆರ್.
ಪ್ರಭಾಕರ ಶೆಟ್ಟಿ ಮೇರ್ ಕಾರ್ಲದ ನಲ್ಲೂರ್ದ ಇಲ್ಲರ್ದ್ ಬೇಲೆಗ್ ಸೋಮಾರ ಹಳೆಯಂಗಡಿಗ್ ಬತ್ತಿತ್ತೆರ್. ಸೋಮಾರ ರಾತ್ರೆ ಇಂದಿರ ನಗರದ ಕೈತಲ್ ರೈಲ್ವೆ ಪಟ್ಟೆದ ಬರಿಟ್ ನಡತೊಂದು ಪೋನಗ, ಬರಸ್ಡ್ ಬತ್ತಿನ ರೈಲ್ ಎಡ್ತ್ದ್ ತೀರ್ದೆರ್. ಎಡ್ತೆದ ಬರಸ್ಗ್ ಆರೆನ ಸರ್ರೊ ಪೊಡಿ ಆತ್ಂಡ್.
ಈ ನಡಕೆರ್ದ್ ಬೊಕ್ಕ, ಮುಲ್ಕಿದ ಸಾಮಾಜಿಕ ಕಾರ್ಯಕರ್ತೆರಾಯಿನ ಪ್ರಸಾದ್ ಯಾನೆ ಪೇಚು ಬೊಕ್ಕ ದಾವೂದ್ ಮೊಕುಲು ಮಾನವೀಯತೆ ತೂಪಾದೆರ್. ಪೊಡಿ ಆತಿನ ಸರ್ರೊನು ಜೀವರಕ್ಷಕ ಆಂಬುಲೆನ್ಸ್ ಮುಕೇನ ಮುಲ್ಕಿ ಸರ್ಕಾರಿ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಮುಲ್ಕಿ ಪೋಲೀಸೆರ್ ಪ್ರಕರಣ ದಾಕಲ್ತೊಂದು, ಜಡ್ತೆ ಮಲ್ತೊಂದುಲ್ಲೆರ್.