Last updated on October 13th, 2025 at 10:57 am
ಕುಡ್ಲ, ಅ. 13: ಪೆರಿಯಾರ್, ತುಳು ಬೊಕ್ಕ ಕನ್ನಡ ಸಾಹಿತಿ ಆರ್. ಲಲಿತಾ ರೈ (97) ಕೋಡೆ, ಐತಾರ ತೀರ್ಯೆರ್.
1928, ಆಗಸ್ಟ್ 22 ತಾನಿ ಕುಡ್ಲದ ಕೊಡಿಯಾಲ್ಬೈಲ್ಡ್ ಪುಟ್ಟುದಿನ ಲಲಿತಾ ರೈ, ಹೈಸ್ಕೂಲ್ ಟೀಚರ್ ಆದ್ ಬೆನ್ತಿನಾರ್.
‘ದೇಸಾಂತರ’, ‘ಬೋಂಟೆ ದೇರ್ಂಡ್’ ಮೆರೆನ ಪುಗರ್ತೆದ ತುಳು ಕಾದಂಬರಿಲು.
ಬರವುಗಾರ್ತಿ ಆದ್ ಲಲಿತಾ ರೈ ಮೇರ್ ಪೇಪರ್ಲೆಡ್ ಪಾಕ ಬರವುಲೆನ್ ಪ್ರಕಟ ಮಲ್ತಿತ್ತೆರ್. ಲೋಕೊರ್ಮೆ ತಿರ್ಗ್ದ್ ತನ್ನ ಅನುಭವೊಲೆನ್ ಬರವು ರೂಪೊಗು ಜಪ್ಪುಡುದಿನಾರ್. ‘ಚಿತ್ತಗಾಂಗಿನ ಕ್ರಾಂತಿವೀರರು’, ‘ಕನ್ನಡ ಸಣ್ಣ ಕತೆಗಳ ಸಂಕಲನ’, ‘ಮತ್ತೆ ಬೆಳಗಿತು’, ‘ಸೊಡರು ಮತ್ತು ಇತರ ಕಥೆಗಳು’, ‘ಇಂಟರ್ನೆಟ್ನ ಒಳಗೆ ಮತ್ತು ಇತರ ಕತೆಗಳು’, ‘ತುಳು ಸಣ್ಣಕತೆಗಳ ಸಂಕಲನ-1’ ಉಂದು ಮೆರೆನ ಪ್ರಮುಖ ಕೃತಿಕುಲು.
‘ಇಂಟರ್ನೆಟ್ನ ಒಳಗೆ ಮತ್ತು ಇತರ ಕಥೆಗಳು’ ಕೃತಿಕ್ ಕರ್ನಾಟಕ ಲೇಖಕಿಯೆರೆ ಸಂಘೊರ್ದು ತ್ರಿವೇಣಿ ಪುರಸ್ಕಾರ, ನಿರತ ಸಾಹಿತ್ಯ ಸಂಪದ ಸಂಸ್ಥೆರ್ದ್ ‘ಓಟು ಯಾರಿಗೆ’ ಕೃತಿಕ್ ಕಡೀರ ಬಹುಮಾನ, ದಕ್ಷಿಣ ಕನ್ನಡ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರೆ ಸಂಘೊದ ‘ವೀರರಾಣಿ ಅಬ್ಬಕ್ಕ ಪ್ರಶಸ್ತಿ’ ಇಂಚ ಪಾಕ ಮಾನಾದಿಗೆರು ಆರೆಗ್ ನಾಡೊಂದು ಬತ್ತಿತ್ತ.