Last updated on October 7th, 2025 at 10:00 am
ಬಂಟ್ವಾಳ, ಅ. 7: ತಾರಾಮರ ಗಂಗಸರ ಪರೊಂದಿತ್ತಿನ ಜವನೆ ಒರಿ ಕಾಡ್ಡ್ ಮರಕ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಪುಂಜಾಲಕಟ್ಟೆ ಪೋಲೀಸ್ ಸ್ಟೇಷನ್ ಸೀಮೆದ ಮಾಲಾಡಿ ಗ್ರಾಮೊದ ಕೊಡೈಲ್ ಪನ್ಪಿನಲ್ಪ ಅಕ್ಟೋಬರ್ 5 ತಾನಿ ನಡತ್ದ್ಂಡ್.
ತೀರ್ದಿನ ಜವನನ್ ಮುಲ್ಪದಾರೇ ಆಯಿನ, ಕರಿದ್ ಪೋತಿನ ದಾಮೋದರ ಪೂಜಾರ್ಲೆನ ಮಗೆ ಸುನಿಲ್ ಪನ್ದ್ ಗುರ್ತ ಪತ್ತ್ದೆರ್. ಉಂಬ್ಯನ ಅಮ್ಮೆ ದಾಮೋದರ ಪೂಜಾರ್ಲು ಉಸಾರ್ದಾಂತೆ ರಡ್ಡ್ ವರ್ಸೊಗು ದುಂಬು ತೀರ್ದಿತ್ತೆರ್. ಅಪ್ಪೆನೊಟ್ಟುಗು ಇತ್ತಿನ ಸುನಿಲ್, ತಾರಾಮರ ಕುಡ್ಚೊಂದು, ಊರೂರು ತಿರ್ಗೊಂದಿತ್ತ್ದ್ ಕರಿನ 9-10 ದಿನೊರ್ದಿಂಚಿ ಏರೆಗ್ಲಾ ತೂವರೆ ತಿಕ್ಕ್ದಿಜ್ಜಂಡ್. ಅಕ್ಟೋಬರ್ 5 ತಾನಿ ಮಾಲಾಡಿ ಗ್ರಾಮೊದ ಕೊಡೈಲ್ ಪನ್ಪಿನಲ್ಪ ಬಲ್ಲ್ ಪಾಡೊಂದಿನ ಸ್ಥಿತಿಟ್ ಪುನ ತಿಕ್ಕ್ದ್ಂಡ್. ಈ ಬಗೆಟ್ ಹರೀಶ್ ಪನ್ಪಿನಾರ್ ಬರೆಪಾದಿನ ಒಯಿಲ್ದ ಪ್ರಕಾರ ಪ್ರಕರಣ ದಾಕಲಾತ್ಂಡ್.