Last updated on November 11th, 2025 at 11:01 am
ಉಳ್ಳಾಲ, ನ. 11: ಡ್ರಗ್ ಪೆಡ್ಲಿಂಗ್ ಮಲ್ಪೆದಿನ ವೈದ್ಯಕೀಯ ವಿದ್ಯಾರ್ಥಿ ಸೇರ್ದ್ ಮೂವೆರೆನ್ ಕೋಟೆಕಾರ್ ಗ್ರಾಮೊದ ಬಗಂಬಿಲ ಗ್ರೌಂಡ್ ಬೊಕ್ಕ ಪೆರ್ಮನ್ನೂರು ಗ್ರಾಮೊದ ಗಂಡಿ ಪನ್ಪಿನಲ್ಪ ನ. 9ದಾನಿ ಉಳ್ಳಾಲ ಪೊಲೀಸೆರ್ ಕೈದ್ ಮಲ್ತ್ದೆರ್.
ಆರೋಪಿಲೆರ್ದ್ 59,300 ರೂ. ಮೌಲ್ಯೊಧ 1.511 ಕೆಜಿ ಗಾಂಜಾ ಬೊಕ್ಕ ಅಕುಲು ಗಲಸೆದಿನ 2 ವೇಯಿಂಗ್ ಸ್ಕೇಲ್, 2 ಮೊಬೈಲ್, 1 ಸ್ಕೂಟರ್ನ್ ಪೊಲೀಸೆರ್ ವಶೊಕು ಗೆತೊಂದೆರ್.
ಪ್ರೈವೇಟ್ ಆಯುರ್ವೇದ ಕಾಲೇಜ್ಡ್ ಬಿಎಎಂಎಸ್ ವಿದ್ಯಾರ್ಥಿ ಆದುಪ್ಪುನ ಮಹಾರಾಷ್ಟ್ರದ ಧುಲೆ ನಿವಾಸಿ ಮೊಹಮ್ಮದ್ ನಿಗಾರೀಸ್ (22) ವಿಲಾಸಿ ತನ್ನ ಊರುರ್ದ್ ಗಾಂಜಾ ಕನತ್ ಮಾರೊಂದಿತ್ತೆ.
ಕುಡೊಂಜಿ ಪ್ರಕರಣೊಡು ನಾಟೆಕಲ್ ಉರುಮಣೆ ನಿವಾಸಿ ಅಬ್ದುಲ್ ಶಕೀಬ್ ಯಾನೆ ಶಾಕಿ (22) ಬೊಕ್ಕ ಪೆರ್ಮನ್ನೂರು ಗಂಡಿ ನಿವಾಸಿ ಸಬೀರ್ ಅಹಮ್ಮದ್ (24) ಪನ್ಪಿನಕ್ಲೆನ್ ಕೈದ್ ಮಲ್ದೆರ್. ಅಬ್ದುಲ್ ಶಕೀಬ್ ಬೊಕ್ಕ ಸಬೀರ್ ಅಹಮ್ಮದ್, ಡ್ರೈವರ್ ಬೊಕ್ಕ ಪೈಂಟರ್ ಆದಿತ್ತ್ದ್, ಅಕುಲು ದೋಸ್ತಿಲಾದಿತ್ತೆರ್. ಶಕೀಬ್ ಬಿ.ಸಿ.ರೋಡ್ದ ಫ್ಯಾಬೀನ್ ಪನ್ಪಿನಾಯಡ ಗಾಂಜಾ ಗೆತೊಂದು ಮಾರೊಂದುಪ್ಪುನಗ ಗಂಡಿ ಜಾಗೆಡ್ ಕೈದ್ ಮಲ್ದೆರ್. 420 ಗ್ರಾಂ ಗಾಂಜಾ, 6,000 ರೂ. ಕಾಸ್ ವಶೊಕು ಗೆತೊಂದೆರ್.
ಉಳ್ಳಾಲ ಠಾಣಾಧಿಕಾರಿ ವಿರೂಪಾಕ್ಷ ಸ್ವಾಮಿ ನಿರ್ದೇಶೊಡು, ಎಸ್ಐ ಸಿದ್ದಪ್ಪ ನರನೂರ್ ಮುತಾಲಿಕೆಡ್ ಈ ದಾಳಿ ನಡತ್ಂಡ್.