Last updated on November 7th, 2025 at 02:24 pm
ಕುಡ್ಲ, ನ. 06: ತನ್ನ ಎಲ್ಯ ಬಾಲೆದೊಟ್ಟುಗು ಕಡಲ್ಗ್ ಲಾಗಿಗ ಪನ್ದ್ ವೀಡಿಯೋ ಮಲ್ತ್ದ್, ಬೊಕ್ಕ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊನರೆ ತೂದಿತ್ತಿನ ಆಂಜೊವುನ ಬಾಲೆನ್, ಬಾಲೆದ ಅಜ್ಜಗ್ ಒಪ್ಯಾದ್ಂಡ್ ಪನ್ದ್ ಪೊಲೀಸೆರ್ ತೆರಿಪಾದೆರ್. ಬೊಡೆದಿನೊಟ್ಟುಗು ಲಡಯಿ ಆದ್ ಆ ಆಂಜೊವು ತನ್ನ ಮಗಲೆನೊಟ್ಟುಗು ಆತ್ಮಹತ್ಯೆ ಮಲ್ತೊನ್ರ ತೂದಿತ್ತೆರ್ ಪನ್ದ್ ವರದಿ ಆತ್ಂಡ್. ಪೊಲೀಸೆರ್ ಬೇಗೊಡೇ ಕ್ರಮ ಗೆತೊಂದು ಆಮ್ಮೆಮಗಲೆನ್ ಕಾಪುನೆಟ್ ಯಶಸ್ವಿ ಆದಿತ್ತೆರ್.
ಕಂಡನೆ-ಬೊಡೆದಿನ ನಡುತ ಭಿನ್ನಾಭಿಪ್ರಾಯೊಲೆಗ್ ಪಿರಿಕಟ್ಟ್ ಮಲ್ಪೆರ ಪಾಕ ಪುನೆಪು ಬತ್ತ್ಂಡಲಾ, ಬೊಡೆದಿ ರಾಜಿ ಮಲ್ತೊನರ ಒತ್ತೊನಂದೆ ಡಿವೋರ್ಸ್ಗ್ ಒತ್ತಾಯ ಮಲ್ತ್ದಲ್. ನ್ಯಾಯಂತಡೆದ ಮುಕೇನ ಕಾನೂನು ಪ್ರಕಾರ ಈ ವಿಷಯೊಗು ಪಿರಿಕಟ್ಟ್ ಮಲ್ತೊನ್ಲೆ ಪನ್ದ್ ಪೊಲೀಸೆರ್ ದಂಪತಿಗ್ ಕೆಬೀಪಾತೆರ ಪನ್ತೆರ್. ಬಾಲೆದ ಅಪ್ಪೆಲಾ ತನ್ನ ಮಗಲೆನ್ ತನ್ನ ಅಮ್ಮೆರೆನ ಆರೈಕೆಡ್ ದೀಯೆರ ಒತ್ತೊಂದಿತ್ತ್ದ್, ಆ ಪ್ರಕಾರ ಬಾಲೆನ್ ಅಜ್ಜೆರೆ ಕೈತಲ್ ಉಂತಾದ್ಂಡ್ ಪನ್ದ್ ಅಧಿಕಾರಿಲು ತೆರಿಪಾದೆರ್.