Last updated on November 26th, 2025 at 02:43 pm
ಕುಕ್ಕೆ, ನ. 26 : ಕಲಿ (ನೀರಾ) ಮೂರ್ಯೆರ ತಾರೆಗ್ ಬರ್ತ್ದಿತ್ತಿನ ಆಂಜೊವು ತಾರೆಡೇ ತೀರ್ದಿನ ದಾರುಣ ನಡಕೆ ಕುಕ್ಕೆ ಸುಬ್ರಹ್ಮಣ್ಯದ ಕೈತಲ್ ನಡತ್ದ್ಂಡ್.
ಸುಬ್ರಹ್ಮಣ್ಯ ಪೊಲೀಸ್ ಸ್ಟೇಶನ್ ಸೀಮೆದ ಕೊಲ್ಲಮೊಗೇರ್ ಗ್ರಾಮೊಡು ಕೋಡೆ ಬಯ್ಯಡ್ ಈ ನಡಕೆ ನಡತ್ದ್ಂಡ್. ತೀರ್ದಿನಾರೆನ್ ಕೇರಳ ಮೂಲೊದಾರ್ ಪನ್ದ್ ತೆರಿದಿತ್ತ್ದ್ ಗುರ್ತ ಪತ್ತುನ ಬೇಲೆ ನಡತೊಂದುಂಡು. ಕೊಲ್ಲಮೊಗೇರ್ ಕೈತಲ್ದ ಪನ್ನೆದ ಆಂಜೊವು ಒರಿಯನ ಜಾಗೆದ ತಾರೆರ್ದ್ ಮೇರ್ ಕಲಿ ಮೂರೊಂದಿತ್ತೆರ್. ಏಪೊಲ್ದ ಲೆಕ ಕಲಿ ಜಪ್ಪಾಯೆರ ಮರ ಬರ್ತಿನ ಆರ್ ಅಲ್ಪನೇ ಉಸಾರ್ ತತ್ತ್ದ್ ಬೊಬ್ಬೆ ಪಾಡ್ದೆರ್ಗೆ. ಉಂದೆನ್ ಕೇನ್ಡ್ದ್ ಮುಟ್ಟಡ್ ಇತ್ತಿನಾರ್ ಒರಿ ತೂದು ಮರಕ್ ಬರ್ತ್ನಗ ಆರ್ ಶ್ವಾಸ ದೆತ್ತೊಂದಿತ್ತೆರ್ಗೆ. ಬೊಕ್ಕ ಅಗ್ನಿಶಾಮಕ ದಳಕ್ ಅಲ್ಪದಕುಲು ಫೋನ್ ಮಲ್ತ್ದೆರ್. ಜಾಗೆಗ್ ಬತ್ತಿನ ಅಗ್ನಿಶಾಮಕ ದಳದ ಸಿಬಂದಿ ಮರರ್ದ್ ಆರೆನ್ ಜಪ್ಪುಡಾದ್ ತೂನಗ ತೀರ್ದಿತ್ತೆರ್ ಪನ್ದ್ ತೆರಿದ್ ಬೈದಿತ್ತ್ದ್, ಈ ಬಗೆಟ್ ಸುಬ್ರಹ್ಮಣ್ಯ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.