Last updated on November 26th, 2025 at 08:36 am
ಒಡಿಪು, ನ. 25: ಪ್ರಧಾನಿ ನರೇಂದ್ರ ಮೋದಿಯೆರೆನ ಶ್ರೀ ಕೃಷ್ಣ ಮಠ ಭೇಟಿ ಲೆಕ್ಕೊಡು, ಒಡಿಪು ಜಿಲ್ಲಾಡಳಿತ ನವೆಂಬರ್ 28ದಾನಿ ಕೆಲ ಪ್ರದೇಶೊಲೆನ ಶಾಲೆಲು ಬೊಕ್ಕ ಅಂಗನವಾಡಿಲೆಗ್ ಒಂಜಿ ದಿನೊತ ರಜೆ ಘೋಷಣೆ ಮಲ್ದ್ಂಡ್.
ಒಡಿಪು ನಗರ, ಮಲ್ಪೆ ಬೊಕ್ಕ ಮಣಿಪಾಲ ಪೊಲೀಸ್ ಸ್ಟೇಶನ್ ಸೀಮೆಡ್ ಬರ್ಪಿನ ಅಂಗನವಾಡಿಲು, ಪ್ರಾಥಮಿಕ ಶಾಲೆಲು ಬೊಕ್ಕ ಪ್ರೌಢಶಾಲೆಲೆಗ್ ಜಿಲ್ಲಾಡಳಿತ ರಜೆ ಘೋಷಣೆ ಮಲ್ದ್ಂಡ್. ಟ್ರಾಫಿಕ್ ಜಾಮ್ರ್ದಾವರ ಜೋಕುಲೆಗ್ ತೊಂದರೆ ಆಪಿನ ಸಾಧ್ಯತೆ ಬೊಕ್ಕ ಅಕ್ಲೆನ ಸುರಕ್ಷತೆದ ದಿಟ್ಟಿಡ್ ರಜೆ ಘೋಷಣೆ ಮಲ್ತ್ದೆರ್.
ಪ್ರಧಾನಿಯೆರೆ ಭೇಟಿದ ಪೊರ್ತುಡು ಕೇಂದ್ರೀಯ ಸಚಿವೆರ್, ಕರ್ನಾಟಕದ ರಾಜ್ಯಪಾಲೆರ್, ಮುಖ್ಯಮಂತ್ರಿಲು, ರಾಜ್ಯ ಸಚಿವೆರ್ ಬೊಕ್ಕ ಪೆರಿಯ ಅಧಿಕಾರಿಲು ಪಾಲ್ಪಡೆಪಿನ ನಿರೀಕ್ಷೆ ಉಂಡು. ಈ ಪ್ರೋಟೋಕಾಲ್ ವ್ಯವಸ್ಥೆಲು ಎಚ್ಚಿನ ಭದ್ರತಾ ಕ್ರಮೊಕುಲೆ ಭಾಗ ಆದ್, ಕಾರ್ಯಕ್ರಮೊಲೆನ್ ಎಡ್ಡೆಡ್ ನಡಪಾಯೆರ ಒಡಿಪು ಜಿಲ್ಲಾ ಪೊಲೀಸೆರ್ ದುಂಬೆಚ್ಚರ್ಗೆ ಕ್ರಮೊಕ್ಲೆನ್ ಶಿಫಾರಸ್ಸ್ ಮಲ್ತಿತ್ತೆರ್.
ಈ ರಜೆರ್ದಾವರ ತತ್ತ್ದ್ ಪೋಪಿನ ಶೈಕ್ಷಣಿಕ ಅವಧಿನ್ ಬೇತೆ ಸಾಮಾನ್ಯ ರಜೆತ ದಿನೊಟು ಸಮ ಮಲ್ತೊನುನು ಪನ್ದ್ ಅಧಿಕಾರಿಲು ಸ್ಪಷ್ಟ ಮಲ್ದೆರ್.