Last updated on December 29th, 2025 at 03:38 pm
ಮಣಿಪಾಲ, ಡಿ. 29: ಓದುಲ ಪನ್ಡ್ದ್ ಬುದ್ಧಿ ಪನ್ಡಿನೆಕ್ ಬೆಸರ್ ಮಲ್ತೊಂದು ವಿದ್ಯಾರ್ಥಿನಿ ಒರ್ತಿ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಹಿರೇಬೊಟ್ಟು ಗ್ರಾಮೊದ ಬಾಲ್ಕಟ್ಟು ಪನ್ಪಿನಲ್ಪ ನಡತ್ದ್ಂಡ್.
ಆತ್ಮಹತ್ಯೆ ಮಲ್ತೊಂದಿನ ಪೊಣ್ಣನ್ ಬಾಲ್ಕಟ್ಟು ನಿವಾಸಿ ಮಲ್ಲಿಕಾ ಪನ್ಪಿನಾರೆನ ಮಗಲ್ ಸಮನ್ವಿ ಪನ್ದ್ ಗುರ್ತ ಪತ್ತ್ದೆರ್.
ಒಡಿಪು ಸರಕಾರಿ ಮಹಿಳಾ ಪದವಿ ಪೂರ್ವ ಕಾಲೇಜಿಡ್ ಸೆಕಂಡ್ ಪಿಯುಸಿ ಕಲ್ತೊಂದಿತ್ತಿನ ಸಮನ್ವಿಗ್ ಡಿ.26ತಾನಿ ಬಯ್ಯದ ಪೊರ್ತುಡು ಆಲೆನ ಅಪ್ಪೆ, ಬರ್ಪಿ ಪರೀಕ್ಷೆಗ್ ಓದ್ಯೆರ ಪನ್ದಿತ್ತೆರ್. ಆಂಡಲಾ ಸಮನ್ವಿ ಓದಂದೇ ಫೋನ್ಡ್ ಪಾತೆರೊಂದಿತ್ತಲ್. ಈ ಪೊರ್ತುಡು ಅಪ್ಪೆ ಆಲೆಗ್ ರಡ್ಡ್ ಬುದ್ದಿವಾದೊದ ಪಾತೆರ ಪನ್ದಿತ್ತೆರ್.
ಅವ್ವೇ ಬೆಸರ್ಡ್ ಸಮನ್ವಿ ಇಲ್ಲದ ಬೆಡ್ ರೂಂಡ್ ಫ್ಯಾನ್ಗ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊನರ ತೂತಲ್. ಅಪಗನೇ ಇಲ್ಲದಕುಲು ಆಲೆನ್ ಮಣಿಪಾಲ ಆಸ್ಪತ್ರೆಗ್ ದಾಕಲ್ತ್ದೆರ್. ಆಂಡ ಗಾತಿದ ಸ್ಥಿತಿಟಿತ್ತಿನ ಸಮನ್ವಿ ಮರ್ದ್ ಪಲಿಪಂದೆ ತೀರ್ದಲ್.
ಈ ಬಗೆಟ್ ಮಣಿಪಾಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.